Around GMA

Article Inside Page

Sweet na sweet ang naging mensahe ni Zephanie para sa on-screen partner na si Dylan Menor, na nag-celebrate ng kaniyang birthday noong Linggo, October 13.

Sa kaniyang Instagram stories, ipinarating ni Zephanie ang nakakakilig na birthday message para kay Dylan.

"I mean it when I said, I love your personality. I love how passionate you are. And, I love our friendship," sulat ni Zephanie.

"Will always be rooting for you! Always remember, you are loved. Happy birthday," dagdag ng singer-actress.

Ibinahagi naman ito ni Dylan sa kaniyang Instagram Stories at pinasalamatan si Zephanie.

"Thank you, Zeph. Will be forever grateful for the moments we've shared and look forward to many more," sulat ni Dylan.

Bukod dito, sinorpresa rin si Dylan ng kaniyang co-stars sa MAKA sa kanilang guesting noong Linggo sa All-Out Sundays, kung saan kinantahan at binigyan siya ng cake.

@zephanieofficial happy birthday to our boy angas! 😎🤝🏼 @Dylan Menor #Maka #fyp ♬ original sound - Zephanie

Patuloy na kinakikiligan ngayon ang love team nina Zephanie at Dylan sa Gen Z series na MAKA.

Kasama rin nila sa teen show ang Sparkle stars na sina Marco Masa, Ashley Sarmiento, John Clifford, Olive May, Chanty, Sean Lucas, at May Ann Basa o "Bangus Girl."

Patuloy na subaybayan sina Zephanie at Dylan sa MAKA tuwing Sabado, 4:45 p.m. sa GMA.

KILALANIN ANG CAST NG MAKA SA GALLERY NA ITO: