Sino ang 'jowa' ni Kristoffer Martin sa 'Paraiso Ko'y Ikaw'?

Matagal ding nakasama ni Kristoffer Martin ang kanyang co-stars sa Paraiso Ko’y Ikaw.

Dahil dito, kinumusta ng GMANetwork.com sa Kapuso actor ang kanyang working relationship sa mga nakatrabaho niya sa GMA Telebabad soap.


Joey Marquez
Ang sarap (katrabaho)! Tatay ko siya pero pilot week hanggang third week lang siya eh. Happy ako na nakatrabaho ko si Kuya Joey kasi alam niya kung saan siya lulugar. Siya 'yung nakita kong beterano na propesyunal pa rin hanggang ngayon in terms of working relationship with the staff, with the production, in terms of time. Saludo ako kay Kuya Joey.

Ynez Veneracion
Ay si Tita Ynez, kabarkada ko 'yun eh! (laughs) Ang tingin ko kay Tita Ynez kabarkada talaga. Madaling gawin 'yung mga eksena with Tita Ynez.

Janno Gibbs
Ay si Kuya, kuwela! Never kong naisip na magiging ganoon akong ka-comfortable sa kanya. Para lang kaming barkada sa set.

Gabby Eigenmann
Si Kuya Gab, bestfriend ko 'yun eh! Kung si Kuya Gabby (ay) social butterfly, ako 'yung social butterfly junior kasi mahilig akong makihalubilo eh. Maligalig kasi akong tao tulad ni Kuya Gab.

G. Toengi
Sa kanya ako nakaramdam ng respeto kasi si Miss G. siya eh. Basta kay Miss G. ako parang pinakatahimik. Kasi siyempre iniiwasan ko rin naman na baka mamaya magalit o makulitan sa ‘kin. Pero as much as I can na maipakita 'yung totoo kong ugali ko sa kanya, naipapakita ko naman.

Phytos Ramirez
Jowa ko 'yun eh. (laughs) Siya 'yung parang kapatid ko sa show. Itinuturing ko na siyang kapatid ko talaga. Dami ko na ring nasasabi sa kanya. Lahat ng problema ko sa buhay alam na niya eh.
(Love team na ba ito? Alamin sa article na ito.)

Direk Joyce Bernal
‘Yan 'yung pinakamailalagay ko sa pinaka-highlight ng showbiz life ko. Una pa lang, it's an honor na makatrabaho ko siya. Si Direk Joyce kasi magaling mag-alaga ng artista. Sobra!
 
Patuloy na subaybayan si Kristoffer Martin at abangan ang pagwawakas ng Paraiso Ko’y Ikaw ngayong Biyernes pagkatapos ng GMA Sinebabad
sa GMA Telebabad.

– Text by Al Kendrick Noguera, GMANetwork.com