Isko Moreno, bilang bagong host ng 'Eat Bulaga': I'm honored and humbled to be part of history'

Isa sa mga bagong host ng longest-running noontime show na Eat Bulaga si dating Manila Mayor Isko Moreno, na nagsabing "honored and humbled" siyang maging parte ng show.

Sa interview niya sa Updated with Nelson Canlas podcast, ikinwento ni Isko kung paano siya nakapasok sa noontime show.

“Monday they started airing, headed by Paolo and the group. And Tuesday I was informed, Wednesday we had a meeting and immediately I said yes,” pagalala ni Isko.

Dagdag pa nito, “I'm happy to fill in into the vacuum, which we did. Somebody created vacuum, we filled in the vacuum, and I'm honored and humbled to be part of history.”

Sinabi rin ng dating Manila Mayor na hindi mawawala ang nagawa ng dati nitong mga hosts na sina Tito Sotto, Vic Sotto, at Joey de Leon para sa Eat Bulaga, pero kailangan mag-move on at kinailangan sumubok ng mga bagong bagay.

Pagbabahagi ni Isko, “The creative and the production and TAPE Incorporated management wanted to come up with new things, different approach, variety show pa rin, noon time show pa rin, but more on viewer's centric.”

Dagdag pa niya, bida ang viewers sa collaborative approach ng noontime show bilang paraan para mag-pay forward sa mga manonood pa rin nito.

Ngunit kahit nag-e-enjoy bilang bagong host si Isko, aminado rin ito sa mga challenges na kinakaharap nila ngayon. Pero nilinaw niya na ang nangyayari sa noontime shows ngayon ay “healthy competition.”

“We don't wish for somebody to fail, like you defeat, like you shut down, you close down. I don't like that,” sabi nito.

Dito, binanggit ni Isko ang tungkol sa Korea at kung papaano nakakapag-compete na ang mga TV shows at movies nito sa Hollywood, at kung paano nakatulong ang K-Pop sa paglago ng ekonomiya ng bansa.

“Maybe, ito lang assumption ko, maybe they support each other, maybe they compete among each other, pero you don't wish for others to fail like defeated. Because nag grow 'yong television industry, movie industry,” sabi nito.

Dagdag pa ni Isko, makakabuti sa Pilipinas at sa TV and movie industry ng bansa ang mag-compete, pero hindi ang magtanim ng hate dahil malaki ang naitutulong ng kompetisyon para mas gumanda ang quality ng mga napo-produce ng bansa.

Pakinggan ang buong episode ng Updated with Nelson Canlas dito:

SAMANTALA, TINGNAN ANG NAGING SIMULA NI ISKO SA 'THAT'S ENTERTAINMENT' HANGGANG MAGING MANILA MAYOR DITO: