Gladys Reyes misses doing a sitcom
Published On: May 13, 2014, 05:48 PM
Updated On: April 04, 2020, 02:46 PM
Markado si Gladys Reyes sa mga kontrabida roles na talagang kinaiinisan ng mga manunuod. Ang hindi alam ng marami na komedyante din itong si Gladys sa totoong buhay.
Naging parte siya nang hit comedy sitcom dito sa Kapuso Network na Bahay Mo Ba ‘To as Kelly Mulintapang.
Tinanong ng GMANetwork.com si Gladys kung namimiss niya ba na gumawa nang sit-com, sabi niya “Oo, kasi in real life komedyante naman talaga ako. Ma-punch line ako. Mahilig ako manggaya. Ginagaya ko nga 'yung mga ka-board member ko sa MTRCB. Minsan din ginagaya ko 'yung kasama ko sa bahay”.
Ayon kay Gladys ang ilan sa mga hinahangaan niyang female comedian ay sina Kapuso Star Eugene “Uge” Domingo, Tessie Tomas, Ai Ai delas Alas at ang best friend niya na si Carmi Martin.
Bilib si Gladys kay Eugene dahil napakaversatile raw nito, “Mahusay din siya pag comedy, pag drama. 'Yung versatility ang hinahangaan ko kay Eugune, kasi pag-drama ang husay din mag-drama, pag comedy aba puwede din komedyante at saka nakakatawa rin siya lalo na kung ang project ay talagang natural na natural ”.
Watch out for Gladys Reyes in her new show Basta Everday Happy weekday mornings before The Ryzza Mae Show.
--Text by Aedrianne Acar, Photo by Elisa Aquino.