Ang 13-year-old Cebuana singer na si Carren Eistrup ang itinanghal na 'Bida Next' winner ng noontime show ng 'Eat Bulaga.'
Makakapag-uwi si Carren ng PhP500,000 in cash at brand new Next-Gen Ford Ranger. Kasama sa kanyang prize package ang P1 million worth of contract mula sa 'Eat Bulaga.' Ibig sabihin, mapapanood siya bilang newest Dabarkad ng longest-running noontime variety show sa bansa.
Sa final showdown ng 'Bida Next' na napanood ngayong Sabado, February 4, inawit ni Carren ang "The Climb" ni Miley Cyrus at "Pangarap Na Bituin" ni Faith Cuneta.
Bukod sa pagkanta, nagpakitang gilas din si Carren sa pagsayaw sa kanyang last challenge kung saan naghandog siya ng sing and dance performance para sa mga Gen Z.
Kilalanin pa si Carren Eistrup sa gallery na ito:
Si Carren Eistrup ay isang Filipino-Danish singer mula Cebu.
Grade nine o third year high school na ngayon si Carren. Aniya, priority pa rin niya ang pag-aaral kahit nabigyan ng oportunidad mag-artista. "Kahit naman masyadong busy, I always do my best to maintain my grades kasi 'yung education natin 'yan po ang magbibigay sa 'tin ng foundation in the future."
Sumali si Carren sa 'Bida Next' contest ng 'Eat Bulaga' dahil pangarap niyang mag-artista. Sabi niya, "Pangarap ko po ito since when I was a child and I'm really passionate about this po and I'm passionate about making people happy, giving them good vibes."
Dream din ni Carren na makapag-perform sa Las Vegas, kung saan mayroon siyang mga kamag-anak.
Hinangaan ng 'Eat Bulaga' hosts ang kalidad ng boses ni Carren kahit wala itong ongoing na voice lesson.
Isa sa mga paborito niyang mang-aawit ang American singer na si Sara Bareilles, na nagpasikat ng mga kantang "She Used To Be Mine," "Brave," at "Gravity."
Sa edad na lima, nagsimula nang um-attend ng mga singing workshop si Carren.
Marami ang nakakapansin sa pagkakahawig ni Carren sa American singer/actress na si Miley Cyrus. Para sa 13-year-old singer, advantage ito pero, aniya, "I want to have my own image na makilala as me not just being pretty po but also having a talent."
Isa rin sa mga dahilan kung bakit sumali si Carren sa 'Bida Next' ay para matulungan ang kanyang pamilya. Pangarap din niyang makabili ng sariling bahay at the age of 18 at magkaroon ng negosyo.