WATCH: Narito na ang TV premiere ng 'My Bebe Love!'

Sa unang pagkakataon, mapapanood na rin sa telebisyon ang 2015 Metro Manila Film Festival hit na My Bebe Love! 

Ito ang nagsilbing reunion project nina Bossing Vic Sotto at Philippine Comedy Queen Aiai Delas Alas at film debut ng phenomenal love team nina Alden Richards at Maine Mendoza o AlDub. 

Nakatanggap ang pelikula ng ilang nominasyon sa 2015 MMFF tulad ng Best Screenplay, Best Original Story, Best Actor para kay Vic, Best Actress para kay Aiai at Best Supporting Actor para kay Alden.

Nasungkit naman nito ang 3rd Best Picture at ang Gatpuno Antonio J. Villegas Cultural Award na ibinibigay sa mga pelikulang nakapagpakita ng kulturang Pilipino. Nakuha din ni Maine ang Best Supporting Actress. 

Huwag palampasin ang ang TV premiere ng My Bebe Love sa Kapuso Movie Night, February 11, 9:15 PM sa GMA!