Chariz Solomon: 'Adik ako!'

Oo, adik si Chariz Solomon. Adik sa pagpapatawa! And with 'Adik Sa 'Yo,' Chariz says na gusto niyang mag-chill lang ang mga tao—at ma-high sa katatawa! Text by Jason John S. Lim. Photos by Mitch S. Mauricio. "Ako si Emilene," pagpapakilala sa amin ni Chariz Solomon nung pictorial ng Adik Sa 'Yo. "Ano ako dito—P.A. ako ni Jennica. [At] dahil mayaman kami, P.A. [ako], hindi yaya." For the uninitiated sa mundo ng showbiz, P.A. means personal assistant. Dagdag ni Chariz, "Kung kikay dito si Jennica [Garcia], mas-OA 'yung pagka-kikay ko dito. As in! Kikay as ever!" Puro tawa man ang interview namin with Chariz, seryoso naman niyang ipinahayag sa amin na tuwang-tuwa siyang makasama finally sa isang project ang kanyang real-life BFF (best friend forever) na si Jennica: "Nung una nga, nung pinag-uusapan pa lang namin—nung hindi pa talaga na-broadcast na mayroon siyang bagong show, sabi niya sana magkasama kami [dito]. "Sabi niya, mawawalan na kami ng time with each other. Kasi, 'di ba, lagi kaming lumalabas? Lagi kaming kain nang kain. Sabi niya, mami-miss niya daw ako, [at] sabi niya minsan daw, sama ako sa taping niya." But that was before they found out na kasama rin si Chariz sa Adik Sa 'Yo. "[Nung] nalaman ko na kasama ako, siya 'yung una kong binalitaan," kuwento ni Chariz. "Sabi ko, 'May good news ako sa 'yo! Adik ako!' Tapos nagsigawan kami nang nagsigawan, tapos nagkita kami, nagpa-nails kami kaagad! Saya-saya." Kung ito ang first time ni Chariz na makasama si Jennica sa isang project, reunion niya naman ito with Direk Joel Lamangan. She tells us, "Ang dami na naman naming matututunan, 'di ba?" Kuwento niya na isa sa mga pinaka-importanteng lessons na natutunan niya sa batikang director ay ang pagiging professional, na as we all can see, served Chariz well sa kanyang career. Kaya nga daw, "Proud ako na makakasama ko ulit siya sa show niya." She continues, dahil mas situational ang comedy na gustong ibigay ni Direk Joel sa show, mag-expect raw ang tao ng kakaibang atake sa show—especially from her: "O.A. man ako na kikay, pero syempre iba rin 'yung acting na mas mature na comedy. Kasi ganon 'yung gusto ni Direk Joel eh, gusto niya realistic ka lang. Dahil nakakatawa na 'yung sitwasyon, hindi mo na kailangan gawin na nakakatawa 'yung sarili mo. So go with the flow." Malaki talaga ang paghanga ng dalaga sa director—pero all praises rin si Chariz sa staff ng Adik Sa 'Yo, na sa mga hindi nakakaalam, ay ang staff rin ng kanyang first prime time project—ang Zaido. "'Yung buong team ni Miss Helen [Sese, Adik Sa 'Yo Executive Producer], mababait." And itong kakaibang camaraderie behind the scenes ang gusto nina Chariz na maranasan rin ng mga televiewers through Adik Sa 'Yo. "[Para] tumawa, chill lang, feel good na may konting iyak—" ito ang mga reasons na in-enumerate ni Chariz sa amin na pambenta nila sa mga televiewers. "Ang dami kasi—ang ganda talaga ng istorya. Nakakatawa. Abangan niyo na lang." Adik Sa 'Yo airs every weeknight sa GMA Telebabad, pero bukod dito, mapapanood niyo rin si Chariz sa Bitoy's Funniest Videos at Startalk tuwing Sabado!