Ikinuwento nina Kiso at Yapi ang kanilang love story sa kliente na naniniwala sa destiny.
Dinipensahan ni Kiso si Yapi at nag-request kay Queen na magsagawa ng investigation ngunit napatunayan na galing sa laptop ng dalaga ang file kaya tuluyan siyang sinisante ng may-ari ng Shoppers.com.
Napakabigat ng dinaramdam ni Yapi kaya si Kiso ang naging cheerleader at sandalan niya.
READ: Janine Gutierrez, may payo sa mga career woman tulad niya
Sa sobrang lungkot at kaba ng dalaga, hindi niya masabi ng diretso na sinisante siya sa trabaho. Buong akala niya ay papagalitan siya ng kanyang Mommy at Daddy ngunit sila pa mismo ang nagpagaan ng kanyang loob.
Ipinakilala ni Alon ang kanyang girlfriend na si Angel at ikinagulat ito ni Yapi.
Pinagsabihan ni Yapi si Alon na ginagamit lang siya pero hindi ito nakinig sa kanya, lalong-lalo na't mahal na raw niya ang kanyang girlfriend of three weeks.
Inalerto ni Yapi ang kanyang dating teams na nakakalamang na raw si Angel sa promotion dahil alam niya na kung paano suyuuin ang may-ari ng Oilganics.
Nagustuhan ng Oilganics owners ang presentation ng team ni Kiso ngunit sa kay Angel sila gustong pumirma dahil sa destiny story nila ni Alon.
Hindi nagpahuli sina Kiso at Yapi na ikuwento ang kanilang destiny story na sinelyo pa nila ng halik bilang mag-boyfriend at girlfriend.
Kapani-paniwala ang kuwento ng love birds kaya nagalit si Angel sa kay Alon na nangako sa kanya na sa kanyang team ibibigay ang proyekto.
Nag-walk out si Angel at sinabing ayaw niya nang makita si Alon ulit. Na-heartbroken ang binata at napagtanto na ginagamit nga lang siya ng kanyang girlfriend.
Inutusan na naman ni Angel ang kanyang mga teammates na maghanap ng pang-blackmail sa mag-asawang nagmamay-ari ng Oilganics. Tumanggi sina Bubbles at Buttercup kaya tinakot sila ni Angel na pwede niya silang sisantehin.
Sinumbong nina Bubbles at Buttercup kay Queen ang mga pinanggagawa ni Angel kaya siya mismo ang sinisante ng may-ari.
Welcome back, Yapi! Nagpaumanhin si Queen sa pagsisante sa dalaga at masaya naman ang kanyang mga ka-team sa kanyang pagbabalik sa kumpanya.
Inanunsiyo naman sa Christmas Party ng Shoppers.com na si Kiso ang na-promote bilang Head of Merchants at siya ay maa-assign sa Canada.
Nag-exchange gift ang dalawa. Plane ticket papuntang Canada ang regalo ni Kiso sa dalaga para ipakilala siya sa kaniyang mga magulang.