Ang Second Prince ng
StarStruck V na si >, Rocco Nacino ang sumalang sa "Don't Lie To Me Summer Edition" segment ng
Showbiz Central noong Linggo, May 9. Sa Villa del Carmen sa San Rafael, Bulacan naganap ang naturang pag-i-interrogate kay Rocco ng host na si John “Sweet” Lapus.
KRIS BERNAL. Unang tanong ni Sweet, kamakailan lang daw ay sinabi ni Rocco na si Kris Bernal ang aktres na gusto niyang maging leading lady. Ang tanong: crush niya ba si Kris Bernal?
"Yes" ang sagot ni Rocco at Truth naman ang naging result sa lie-detector machine.
Ano ang mga katangiang nagustuhan niya kay Kris?
"Kasi po, nakatrabaho ko siya sa
StarStruck noon, sa Kiss Flick," sagot ng young actor.
Magaling siyang mag-kiss, yun ba ang ibig niyang sabihin?
"A, ganun ba? Hindi naman po. Tingin ko nagkaroon kami ng chemistry. At saka, plus point din na napakaganda niya."
LOVI POE. Kung sila ni Kris ay nagkaroon ng chemistry, sila ba ni Lovi Poe ay magkakaroon din kaya dahil balitang ang young actress ang susunod na makaka-loveteam ni Rocco sa GMA?
"Sana nga po, napakabait po. At isa rin po yun sa nagustuhan ko sa kanya aside from her eyes," sabi ni Rocco.
Excited na siyang makatrabaho si Lovi?
"Kung matutuloy po, of course," sagot niya.
JENNYLYN MERCADO. Balita rin na may pagtingin si Rocco sa co-star niya sa
Gumapang Ka Sa Lusak na si Jennylyn Mercado. Sa isang interview ay sinabi ni Rocco na puwede pa siyang humabol dahil nagde-date pa lang naman si Jennylyn at ang kasamahan din nila sa soap na si a href=http://www.igma.tv/profile/dennis-trillo>Dennis Trillo.
Plano ba niyang ligawan si Jennylyn?
Mabilis na "hindi po," ang sagot ni Rocco. Pero Lie ang lumabas na resulta sa lie-detector machine.
Crush niya rin ba si Jennylyn?
"Nagagandahan po ako sa kanya at masuwerte rin po ako na nakatrabaho ko si Jennylyn," sabi ni Rocco.
Kung walang "ka-date" na Dennis si Jennylyn, liligawan ba niya ang co-star?
"Hindi rin po...trabaho muna. Saka na ang pag-ibig na 'yan," sagot ng young actor.
FIGHT SCENE WITH DENNIS. Sa isang fight scene daw nila sa
Gumapang Ka Sa Lusak ay "na-rock" daw ang mundo ni Dennis dahil tinotoo raw ni Rocco ang eksena. Totoo ba ito?
"Nope," ang sagot ni Rocco. Pero Lie na naman ang lumabas sa lie-detector machine.
Paliwanag ni Rocco, "May fight director naman po. Si Dennis naman po, pareho po kaming mixed martial artists. Kaya siguro po, na-execute po namin nang maganda na parang totoo. In a way, natutuwa rin po ako na na-execute namin nang parang totoo."
Si Dennis ba ay walang mga suntok at sipa na parang totoo?
"Siyempre po, may mga daplis-daplis ng sipa, pero hindi naman po masakit. Alam din po namin na trabaho lang yun. At para sa akin, it would be an honor na masipa at masapak ako ni Dennis Trillo kasi idol ko yun, e," sabi ni Rocco. --
PEP.ph
Pag-usapan si Rocco, Kris, Lovi, Jennylyn, Dennis, at Sweet sa mas pinagandang
iGMA.tv Forum! Not yet a member? Register here!
Get in touch with Rocco, Kris, Lovi, Jennylyn and Dennis.
Just text ROCCO (space) [Your message], KRIS (space) [Your message], LOVI (space) [Your message], JENNYLYN (space) [Your message] or DENNIS (space) [Your message] and send to 4627 for all networks. Telco charges apply. This service is only available in the Philippines.