Dream role ni Kris Bernal natupad sa 'Hiram na Puso'

Isa sa mga dream role ni Kris Bernal ay gumanap na may sakit at may taning ang buhay. Masaya si Kris at nagampanan niya ito sa Hiram na Puso bilang Lira, ang babaeng may malubhang sakit sa puso. Para kay Kris, challenging ang role niya lalo na ang mga eksenang inaatake siya sa puso. “Wala naman akong sakit sa puso kaya challenge sa akin ang mga ganitong klaseng eksena kasi gusto ko mag mukang natural at totoo,” ani ni Kris.

Para ihanda ang kanyang sarili sa role at eksena, nanonood si Kris ng sine o videos sa YouTube na may ganoong klaseng sitwasyon at pinagaaralan ito. At makikita naman ang effective acting ni Kris sa mga episodes ng high-rating afternoon drama ng GMA.
Ngayong malapit na magtapos ang Hiram Na Puso nakaramdam na ng lungkot si Kris dahil mamimiss nito ang bonding sa set.

Sa nalalapit na pagtatapos ng Hiram na Puso, asahan na pabigat ng pabigat ang bawat eksena. Ngayong linggo, subaybayan kung paano sisirain ni Vanessa (Bela Padilla) ang pagtitinginan nina Lira (Kris Bernal) at Prince (Mark Herras) at kung paano patuloy na pasakitan ni Roxanne (Ayen Munji-Laurel) ang mag-inang sina Zeny (Gina Alajar) at Lira.

Mapapanood ang Hiram na Puso, Lunes hangang Biyernes pagkatapos ng Eat Bulaga, sa GMA Afternoon Prime.