Julia Barretto's first appearance on GMA via 'Eat Bulaga'

By Jimboy Napoles

Published On: September 10, 2022, 02:38 PM

Sa kauna-unahang pagkakataon napanood sa GMA noontime show na Eat Bulaga ang aktres na si Julia Barretto bilang celebrity guest sa segment na "Bawal Judgemental" ngayong Sabado, September 10.

Sa nasabing segment, game na game na nakipag-chikahan ang aktres sa dabarkads at nakihula kung sino sa mga grandparents ang nag-viral online at nakakuha ng mahigit 2 million views.

Matatandaan na naging usap-usapan sa social media kamakailan ang nakatakdang pagbisita ng aktres sa nasabing noontime show na talagang inabangan ng marami. Bukod dito, naglabas din ng teaser poster sa Instagram ang Viva na talent management ni Julia tungkol sa kaniyang guesting sa Eat Bulaga.

Posible na rin kayang mapanood din si Julia sa iba pang programa sa GMA? Iyang ang dapat abangan.

Tumutok naman sa Eat Bulaga, Lunes hanggang Biyernes, 12 p.m.; at tuwing Sabado, 11:30 a.m. sa GMA.

SILIPIN NAMAN ANG ILAN SA MGA CELEBRITY NA DATING KAPAMILYA AT NGAYON AY CERTIFIED KAPUSO NA SA GALLERY NA ITO:

Tags:

julia barretto, eat bulaga, bawal judgemental, guesting, noontime show