Isa sa GMA drama series na sinusubaybayan ngayon ay ang inspirational-medical drama na 'Abot Kamay Na Pangarap.'
Ilang mga manonood ang humahanga, napaluluha, at naaantig sa mga eksena ng mag-inang Lyneth at Analyn, ang mga karakter na ginagampanan nina Carmina Villarroel at Heart Ramos/Jillian Ward sa serye.
Silipin at balikan ang best mother-daughter moments nina Lyneth at Analyn sa gallery na ito.
Meet Lyneth and Analyn, ang best mother-daughter tandem sa GMA Afternoon Prime!
“I got you!,” 'yan ang mantra ng mag-inang Lyneth at Analyn.
Si Lyneth (Carmina Villarroel) ay ang masipag, mapagmahal, at supportive na ina ni Analyn.
Ang certified genius at sweet na anak ni Lyneth na nangangarap na maging isang doktor.
Tuwing sinasaktan at inaapi noon si Lyneth ng kaniyang madrasta na si Susan, palagi siyang ipinagtatanggol ni Analyn dito.
Proud na proud si Lyneth tuwing nakikita niyang maraming tagahanga ang kaniyang anak na si Analyn.
Nang magkasakit si Lyneth, hindi nagsawa si Analyn na alagaan ang kaniyang ina hanggang sa maideklara na itong cancer-free matapos ang mahabang panahon na gamutan.
Para kay Lyneth, ang anak niyang si Analyn ang pinakamagandang biyayang natanggap niya sa kaniyang buhay.
Maraming salamat sa pagganap bilang batang Analyn, Heart Ramos!
“Ang nanay ko ang dahilan kung bakit ako magiging doktor. At lahat ng tagumpay ko ay para sa kanya." - Analyn
Isa sa mga eksenang labis na nagpaluha sa mga Kapuso ay noong maabutan ni Lyneth ang kaniyang anak na si Analyn na pinaglilinis ng kotse ng kaniyang chief resident.
“Kapag nahihirapan ka, kapag kailangan mo ng tulong, nandito lang si Nanay. Magsabi ka lang sa akin palagi.” - Lyneth