Ang karakter ni Che Ramos-Cosio bilang si Dra. Katie Enriquez ang isa sa mga sinusubaybayan ng mga manonood sa top-rating afternoon series ng GMA na Abot-Kamay Na Pangarap.
Patuloy na minamahal ng viewers si Che dahil na rin sa kaniyang karakter bilang isa sa mga doktor na naniniwala sa kakayahan ni Doc Analyn Santos, ang role na ginagampanan naman ng Sparkle star na si Jillian Ward.
Bago makilala ang aktres bilang isang istriktong doktor sa naturang medical series, lumabas at napanood na rin siya sa ilan pang television shows at mga pelikula.
Kilalanin pa si Che Cosio sa gallery na ito.
Si Che Ramos-Cosio ay naging iskolar ng Tanghalang Pilipino noong 2001.
Taong 2004 nang magsimulang makilala si Che Ramos-Cosio sa mundo ng entertainment industry.
Unang napanood si Che Ramos-Cosio sa pelikula ni Direk Laurice Guillen na 'Santa Santita.'
Sa 2009 Philippine independent film na 'Mangatyanan' unang napanood si Che Cosio bilang isang bida.
Si Che Ramos-Cosio ay asawa ng Filipino actor na si Chrome Prince Cosio.
Isa si Che Ramos-Cosio sa mga aktor na napanood sa Filipino film na 'Goyo: Ang Batang Heneral.'
Noong 2020, napanood si Che Ramos-Cosio sa 2020 web series na 'Gaya Sa Pelikula,' kung saan nakatrabaho rin niya ang kaniyang asawa na si Chrome Prince Cosio.
Si Che Ramos-Cosio ay isang loving mother sa anak nila ni Chrome na si Kaya.
Napanood din si Che Ramos-Cosio sa GMA series na 'Prima Donnas.'
Noong 2015, napanood ang aktres sa isang episode ng drama anthology show na 'Magpakailanman.'
Bukod sa pag-arte, abala rin si Che Ramos-Cosio sa pagiging isang fitness trainer.
Sa isang panayam, ibinahagi ni Che Ramos-Cosio na dati siyang miyembro ng Powerdance ni Douglas Nierras.
Laman din ng iba't ibang TV commercials si Che Ramos-Cosio.
Sa isa sa kaniyang vlogs, ibinahagi ni Che na noong kabataan niya ay nanirahan at nag-aral siya sa Guam.
Sa ilang TikTok videos ng 'Abot-Kamay Na Pangarap' cast, mapapanood na laging ready si Che na makisayaw kasama ang kaniyang co-stars.
Patuloy na subaybayan ang karakter ni Che sa inspirational-medical drama series na 'Abot-Kamay Na Pangarap.'