Napapanood si Carrmina Villarroel bilang si Lyneth sa hit GMA series na Abot-Kamay Na Pangarap.
Noong una, walang kahilig-hilig si Lyneth sa pag-aayos sa kanyang sarili.
Matapos siyang tulungan ni Madam Giselle (Dina Bonnevie), nagbago na ang istilo ng pananamit ni Lyneth at pati na rin ang kanyang look.
Labis na humanga ang viewers nang makita ang bagong look ni Lyneth na malayo sa kung paano siya manamit noon.
Silipin ang beautiful transformation ng ina ni Analyn (Jillian Ward) na si Lyneth sa gallery na ito.
Isang simpleng dalaga lang noon si Lyneth.
Noon, ang hilig lang suotin ni Lyneth ay lumang t-shirts at shorts.
Para mapansin ni RJ (Richard Yap), minsan ay sinubukan ni Lyneth na magsuot ng dress.
Dahil hirap sa buhay, tila walang istilo sa pananamit si Lyneth.
Nang ipanganak na niya si Analyn, nanatiling masipag si Lyneth at itinuon niya lang ang kanyang oras sa pagtataguyod sa kanyang anak.
Sa isang mahalagang event para kay Analyn, napilitang mag-ayos si Lyneth.
Dahil sa sunud-sunod na pang-aapi ni Moira (Pinky Amador), tila nagising na si Lyneth sa katotohanan na kailangan na niyang lumaban.
Nang makipag kampihan na si Lyneth kay Madam Giselle (Dina Bonnevie), isa sa mga plano ng huli ay ang unti-unting baguhin ang buhay ng una.
Ipina-make over ni Madam Giselle si Lyneth.
Isang araw, gulat na gulat si Doc Carlos nang makita niya ang bagong Lyneth.
Suot ang kanyang kulay powder blue na dress, hindi maikakailang bagay kay Lyneth ang kanyang new look.
Nang dumating si Lyneth sa Eastridge Medical Hospital, kapansin-pansin sa mga titig ni Doc Carlos na lalong nahulog ang loob nito kay Lyneth.
Isa sa accessories na suot ni Lyneth ay caduceus necklace, ito ay sumisimbolo ng healing, immortality, at transformation.
Ang naturang necklace ay gustong-gusto ni Moira.
Mula sa buhok, pananamit, at iba pa, talaga namang kitang-kita ang pagbabago kay Lyneth.
Fierce na fierce si Lyneth habang suot ang kanyang elegant gown.
Kung noon ay inaapi-api lang ni Moira si Lyneth, ngayon ay isa na siyang powerful woman.
Sa katunayan, si Lyneth na ang new Head of Operations sa Eastridge.
Abangan ang mga susunod na mangyayari sa buhay ni Lyneth sa Abot-Kamay Na Pangarap.
Ito ang isa sa stunning looks ni Lyneth nang magbakasyon siya sa Japan kasama ang kanyang anak na si Analyn.
Blooming na blooming si Lyneth, ang isa sa mga boss ngayon sa APEX Medical Hospital.
Sino kaya talaga ang lalaking makakatuluyan ni Lyneth? Abangan sa 'Abot-Kamay Na Pangarap.'