Patuloy ang pagpapakilig ng Kapuso love team na sina Ken Chan at Rita Daniela!
Viral ngayon ang kanilang behind-the-scenes photos, na kuha mula sa kanilang lock-in taping sa Bataan, para sa upcoming GMA Afternoon Prime series na 'Ang Dalawang Ikaw.' Ito ang ikatlong tambalan sa telebisyon nina Ken at Rita matapos ang' My Special Tatay' at 'One of the Baes.'
Ayon sa fans ng RitKen, tila kuha raw ang mga larawan para sa isang prenuptial photo shoot dahil sa kanilang sweetness. Dumagdag pa ang magandang tanawin sa beach, na perfect location para sa kanilang serye.
Makikita rin dito na komportableng-komportable ang dalawa sa isa't isa at walang kiyemeng pumose para sa kamera kaya naman kaabang-abang ang kanilang new series.
Totohanan na kaya ang tambalang Ken at Rita? Kayo na ang humusga below!
Prenup o lock-in taping? Lito na ang RitKen fans!
Dahil sa kanilang mala-prenup na mga larawan, nabuo sa Twitter ang topic na "Best wishes RitKen" at naging trending topic pa at thirteenth spot.
Sino ba naman ang hindi ma-i-in love sa magandang mukha ng soon-to-be bride, este, ni Rita?
Natural na natural sa harap ng kamera sina Rita at Ken.
Kung ganito ba naman ang mga eksena, sino ang hindi mae-excite sa 'Ang Dalawang Ikaw?'
Tamang HHWW lang sa shore.
Mas painit pa sa summer ang tambalang RitKen!
'Yung kilig umabot na sa Bataan!
'Yung lalo mong na-miss mag-beach dahil kina Rita at Ken...
Patikim pa lang 'yan sa mga nakakakilig na eksena nina Rita at Ken sa 'Ang Dalawang Ikaw.' Kaya huwag palampasin ang serye malapit na sa GMA-7.