Lianne Valentin, handa na sa reaksyon ng mga manonood sa kaniyang pagganap bilang si Stella sa 'Apoy sa Langit'
Inamin ni Lianne Valentin na napaghandaan niya na ang magiging reaksyon ng viewers ng Apoy sa Langit sa kaniyang pagganap sa karakter na Stella.
Bilang Stella, siya ang gugulo sa tila baga perpektong pamilya na binuo nina Cesar (Zoren Legaspi), Gemma (Maricel Laxa), at Ning (Mikee Quintos).
Photo source: Apoy sa Langit/ Madz Aguilar
Kuwento ni Lianne sa isang interview sa cast ng Apoy sa Langit, alam niya na bago pa siya pumasok sa lock-in taping na makakatanggap siya ng iba't ibang reaksyon sa karakter ni Stella.
"Naisip ko na 'yan, before I entered the lock-in taping, before talaga naisip ko na 'yan na 'yung role talaga ni Stella is maraming maiisip 'yung mga tao. May iba-iba silang reaksyon, opinyon, mararamdaman sa karakter ni Stella."
Ayon kay Lianne, habang inaaral niya si Stella ay naramdaman niya ang iba't ibang emosyon na gustong ilabas ng kaniyang karakter sa Apoy sa Langit.
"'Yun din 'yung nakita ko. Noong inaaral ko, noong binabasa ko 'yung script namin, 'yun 'yung nakita ko kay Stella. Marami siyang gustong iparamdam, marami siyang gustong iparamdam sa mga audience at sa mga tao."
Alam raw ng aktres na iisipin ng mga manonood na isang typical sexy kontrabida si Stella. Pero para kay Lianne, dapat abangan ang kuwento ni Stella.
"Unang una na maiisip ng mga tao, pa-sexy lang siya, kontrabida, ganyan 'yung effect. Pero hindi, 'yun ang masasabi ko, hindi. Maraming aspects si Stella na iba-iba. Magugulat na lang kayo na mayroon pala siyang gano'n."
Paliwanag pa ni Lianne, nahirapan siya sa pag-arte bilang Stella dahil sa dami ng pagdadaanan niya sa Apoy sa Langit.
"Doon ako nahirapan kasi maraming shifts nga of emotions si Stella. Marami siyang gustong iparamdam, marami siyang gustong ipakita bukod doon sa sexy."
Abangan si Lianne Valentin sa world premiere ng Apoy sa Langit ngayong May 2, 2:30 p.m. sa GMA Network.
Samatala, balikan ang mga naganap sa lock-in taping ng Apoy sa Langit: