Bakit gumawa ng fake Instagram account si Thea Tolentino?

Todo handa na ang Asawa Ko, Karibal Ko actress na si Thea Tolentino para sa kaniyang role as Venus, isang transgender woman.

Ano ang mga preparasyon na ginagawa niya?

“Gumawa nga po ako actually ng account sa Instagram, account ng character ko tapos doon ako nag-follow ng mga transwomen para makita 'yung posts and Instagram stories nila para makita kung paano sila kumilos. “

Marami raw siyang naobserbahan sa transgender women na nakapagbago sa kaniyang dating inakala.

“Sobrang prim and proper nila, kabaliktaran ko. Hindi ako prim and proper. Venus Hermosa 'yung name nung account.”

Dagdag niya, “Kaya ako gumawa ng account kasi nalilito ako doon sa Thea Tolentino kasi marami na [ang] lumalabas sa newsfeed.”

“Iba-ibang experiences kasi per tao so naghahanap din ako ng transwomen na recent lang 'yung transition.”

Bukod sa pag-obserba sa buhay ng transgender women, pinag-aaralan na raw ni Thea ang tamang emosyon para sa kaniyang karakter.

“Ang wino-workout ko po ngayon is 'yung nararamdaman ni Nathan (Jason Abalos) at ni Venus. Napakaimportante nun. Mabait sila parehas pero dahil ramdam niya na babae talaga siya, gusto niya maging free dahil sa love, kaya nasasaktan niya 'yung mga nasa tabi niya.”

IN PHOTOS: The cast of 'Asawa Ko, Karibal Ko'

Rayver Cruz, makakatrabaho sina Kris Bernal at Thea Tolentino sa isang teleserye