Around GMA

Article Inside Page

Hindi lang drama ang dapat abangan sa upcoming GMA Prime series na Asawa Ng Asawa Ko dahil may action at fight scenes ring ipapakita dito.

Ayon kay Rayver Cruz, hindi lang ang pag-aaway ng dalawang bidang babae nitong sina Jasmine Curtis-Smith at Liezel Lopez ang mapapanood dahil maraming intense scenes ang Asawa Ng Asawa Ko.

"Hindi lang siya drama, hindi lang siya 'yung parang agawan serye. Ma-action din talaga siya, and ang daming action scenes, ang daming intense scenes," pahayag ni Rayver sa panayam ni Nelson Canlas sa 24 Oras.

Kuwento naman ni Liezel tungkol sa kanyang karakter na si Shaira, hindi siya nang-agaw dahil pareho sila ng karakter ni Jasmine na si Cristy na legitimate na asawa ni Jordan, ang karakter ni Rayver.

"Isa rin siyang babae na nangangarap magkaroon, makatuluyan 'yung mahal niya. 'Yun nga lang, biglang bumalik ang past," saad ni Liezel.

Kabilang rin sa Asawa Ng Asawa Ko si Martin Del Rosario na gagampanan ang karakter ni Jeff, ang nakababatang kapatid ni Jordan na may gusto kay Shaira.

Aniya, "Pahinga muna [sa pagiging kontrabida]. Mabait ako dito, mabait ako dito. Bago naman sa akin kasi three, four [shows], sunod-sunod akong kontrabida."

Kasama rin sa cast sina Joem Bascon, Kim De Leon, Luis Hontiveros, Patricia Coma, Bruce Roeland, Crystal Paras, Jennifer Maravilla, at Ms. Gina Alajar. Mapapanood rin sa Asawa Ng Asawa Ko sina Billie Hakenson, Quinn Carillo, at Mariz Ricketts.

Kasabay ng pag-ere ng pilot episode ng Asawa Ng Asawa Ko sa Lunes, January 15, iikot sa buong Pilipinas sina Jasmine at mga bida ng programa.

"Iikot kami sa mga iba't ibang fiesta ng ating bansa, from Dinagyang to Sinulog. We are also be going to many other provinces na magse-celebrate ng kanilang fiesta this first quarter," pahayag ni Jasmine.