At the press conference of GMA Prime's 'Asawa Ng Asawa Ko'

Nagkaroon ng grand media conference ang upcoming show ng GMA Prime na 'Asawa Ng Asawa Ko' sa Harold's Evotel sa Quezon City.

Bago magsimula ang press conference, pinamalas ng mga bituin ng 'Asawa Ng Asawa Ko' sa isang maikling performance ang kanilang galing. Dito rin nila pinakilala ang kani-kanilang karakter na gagampanan.

Bibida sa 'Asawa Ng Asawa Ko' si Jasmine Curtis-Smith bilang si Cristy, ang orihinal na asawa ni Jordan. "Ang pinaka-take away ko dito [sa 'Asawa Ng Asawa Ko'] is napaka-complex ng buhay kahit tama ang sa tingin mong gagawin mo," saad ni Jasmine.

Si Rayver ang gaganap na Jordan na may dalawang legal na asawa. Unang asawa ni Jordan si Cristy ngunit matapos itong ideklara bilang patay na, pinakasalanniya si Shaira (Liezel Lopez).

Gagampanan ni Liezel ang pangalawang asawa ni Jordan na si Shaira. Kahit bumalik si Cristy sa buhay ni Jordan, ipaglalaban pa rin ni Shaira ang kanyang asawa. Sa totoong buhay kaya, anu-ano ang kayang gawin ni Liezel para sa pag-ibig? Sagot ni Liezel "Everything, pero 'yung legal lang po, 'wag 'yung makukulong tayo."

Kasama rin sa 'Asawa Ng Asawa Ko' si Martin Del Rosario bilang si Jeff, ang nakababatang kapatid ni Jordan. Magkatambal ang mga karakter nina Liezel at Martin sa 'Voltes V: Legacy' pero kakaibgang karakter ang gagampanan nila sa 'Asawa Ng Asawa Ko.' Paliwanag ni Martin, "Kapatid ko si Jordan pero love ko si Shaira. Mabait si Jeff but alam mo naman, the things you do for love, sometimes napupunta ka sa maling desisyon."

Si Joem ang gaganap bilang Leon, ang leader ng KALASAG na dudukot kay Cristy. Paano kaya tatanggapin ni Joem ang mga maiinis kay Leon sa social media? "Walang social media. As an actor, I find it happy kapag may naasar, I find it happy na may natutuwa, 'pag may na-i-inlove. 'Pag nagawa ko 'yun, I did a very good job," saad ni Joem.

Ang child star na si Kzhoebe Nichole Baker ang gaganap na Tori, ang anak nina Cristy at Jordan pero si Shaira ang kikilalanin niyang ina.

Miyembro ng grupong KALASAG si Kim De Leon na si Bakulaw.

Parte rin ng KALASAG si Luis Hontiveros bilang si Alakdan. "It was a good challenge, 'yung mga fight scene namin na nangyayari sa putikan," kuwento ni Luis.

Gagampanan ni Patricia Coma si Pusa na miyembro rin ng KALASAG. Kuwento ni Patricia, isa sa di nya malilimutan sa shooting ng kanilang programa ay noong may isang ahas na biglang pumasok sa kanilang tent habang kumakain sila.

Best friend ni Cristy na si Nonette ang gagampanan ni Crystal.

Aminado ang aktres na si Jennifer Maravilla na nahirapan siya sa fight scenes na ginawa niya bilang miyembro ng KALASAG na si Sawa.

Sinabi ng batikang aktres na si Gina Alajar na natutuwa siya dahil pinagkakatiwalaan siya ng direktor nilang si Laurice Guillen bilang ang ina ni Jordan na si Carmen.

Si Quinn Carillo ang gaganap bilang best friend ni Shaira na si Leslie.

Kabilang din sa grupong KALASAG ang aktres na si Mariz Ricketts bilang si Pusit, ang nanay-nanayan ng grupo.

Bago magsimula ang press conference, inawit nina Jennifer Maravilla at Crystal Paras ang 'Sa Akin Siya,' ang official soundtrack ng 'Asawa Ng Asawa Ko.'

Iikot ang istorya ng 'Asawa Ng Asawa Ko' sa dalawang legitimate na asawa ni Jordan na sina Cristy at Shaira.

Si Cristy ang biological mother ni Tori pero sa piling ni Shaira siya lalaki. Sino kaya ang pipiliin niya sa dalawa?

Nasa ilalim ng direksyon ni Laurice Guillen ang 'Asawa Ng Asawa Ko.' "Hindi siya 'yung usual kaliwaan story," ani Direk Laurice.

Tinutukan nina Jasmine, Joem, at Rayver ang AVP na pinalabas sa presscon ng 'Asawa Ng Asawa Ko.'

Ang GMA resident sports anchor at game changer na si Martin Javier ang nag-host ng press conference ng 'Asawa Ng Asawa Ko.'

Present rin sa press conference ang creative at production team ng 'Asawa Ng Asawa Ko' sa pangunguna ni Assistant Vice President for Drama Ali Marie Nokom-Dedicatoria at program manager Dennis Joi K. Bentulan.

Abangan ang 'Asawa Ng Asawa Ko,' Lunes hanggang Huwebes, 9:35 P.M. sa GMA Prime simula January 15.