'Battle of the Judges,' sinubaybayan hanggang dulo!

By Jansen Ramos

Published On: October 04, 2023, 12:11 PM

Tinutukan ng maraming manonood ang ultimate talent competition na Battle of the Judges hanggang grand finals na ipinalabas noong Sabado, September 30.

Sa katunayan, nakakuha ito ng 11.2 percent rating, base sa preliminary overnight data ng Nationwide Urban TV Audience Measurement (NUTAM) People Ratings ng market research firm na Nielsen Philippines.

Nakapagtala ng higit na mas mataas na ratings ang huling episode ng Battle of the Judges na napanood sa GMA, kumpara sa katapat nitong programa na ipinapalabas sa ibang istasyon.

Sa pagtatapos ng Battle of the Judges, itinanghal ang aerialist na si Marvin Peralta, mula sa squad ni Jose Manalo, bilang kauna-unahang ultimate champion ng talent competition.

Nakapag-uwi ng one million pesos si Marvin bilang cash prize.

KILALANIN ANG AWESOME AERIALIST AT BATTLE OF THE JUDGES FIRST SEASON WINNER SA GALLERY NA ITO.

Tags:

battle of the judges, ratings, finale, marvin peralta, championship