EXCLUSIVE: Sophie Albert, nahirapan sa 'dual role' niya sa 'Bihag'

Matapos ang kanyang breakthrough role bilang Amber sa GMA Telebabad series na Pamilya Roces, nagbabalik si Kapuso actress Sophie Albert sa isa na namang napapanahong serye.

Kabilang kasi siya sa cast ng upcoming GMA Afternoon Prime action-drama suspense series na Bihag, kasama nina Max Collins, Mark Herras, Jason Abalos at Neil Ryan Sese.

"I'll be playing Reign. She's very rich and she's an orphan.

"I fall in love with Brylle--Jason's character who is a doctor--and we have an affair. Then he ends it kasi nga he's in love with his wife.

"So from there, doon na ako magfa-find ng ways to hurt him. I find a way para maghiganti sa kanya, to make him suffer," kuwento ni Sophie sa isang eksklusibong panayam ng GMANetwork.com.

Pero hindi daw dito nagtatapos ang pagkatuso ng kanyang karakter.

"Then I become the friend of Max--she plays Jessie.

Doon na ko magiging si Marie. Parang mini-mirror ko 'yung aura or attitude ni Jessie, but in reality Reign is a very different person. Medyo dual role siya," paliwanag niya.

Aminado si Sophie na nahirapan siya sa role, dahil tila dalawang karakter ang ginagampanan niya.

"It is very challenging kasi with direk Neal [del Rosario], lagi niyang sinasabi, 'Sophie, 'yung mukha mo, masyadong mabait.' Eh very strong 'yung character ko eh," aniya.

"It takes a bit of getting used to. I'm positive naman that we'll get there. Even with Pamilya Roces in the beginning, there's a little bit of struggle when you're still studying or getting used to your character," dagdag na nito.

Abangan si Sophie bilang Reign sa Bihag, parating na ngayong April 1 sa GMA Afternoon Prime.

Bihag: Sophie Albert bilang Reign | Teaser

Tikman ang tamis at pait ng paghihiganti sa 'Bihag'