EXCLUSIVE: Transformation ng character ni Max Collins sa 'Bihag,' dapat abangan

Magkakaroon daw ng transformation ang karakter ni Kapuso actress Max Collins sa bagong GMA Afternoon Prime series na Bihag.

Mula sa pagiging isang mahinhin at maamong ina, magiging malakas at matibay ang kanyang karakter na si Jessie--hindi lang ang kanyang kalooban kundi pati sa kanyang pisikal na abilidad.

Mangyayari ang lahat ng ito nang madukot ang kanyang anak na si Ethan, na gaganapan ng Kapuso child actor na si Raphael Landicho.

"That's when magbabago 'yung personality niya, in a sense. Lalabas 'yung pagiging protective niya. That's where she's going to have to set aside her responsibilities to know more about herself, to find herself," paliwanag ni Max sa isang eksklusibong panayam ng GMANetwork.com.

May inner strength daw na kailangang ilabas ang kanyang karakter.

"Kasi what happened is, she had a family early, got married early. She didn't really get to know herself much. 'Yung buhay niya is her family. So when something happens to her family, that's when she has to find her inner strength to figure out how she can save her family," ani Max.

Kaya naman kaabang-abang ang magiging transformation nito.

"She'll go through a transformation. She'll find herself. She'll become stronger. She'll become more mature. She'll become wiser on how she'll protect her family, how she'll deal with the stress. In the beginning, she's very emotional. I believe later on, she'll learn how to deal with her emotions better. She'll be tougher, stronger, better. Jessie 2.0," pahayag ni Max.

Tunghayan siya bilang Jessie sa Bihag, Lunes hanggang Biyernes, pagkatapos ng Dragon Lady sa GMA Afternoon Prime.

READ: Max Collins, mas ready nang magkaroon ng anak dahil sa 'Bihag'

EXCLUSIVE: Max Collins, mommy friends ang naging inspirasyon para sa kaniyang 'Bihag' character