Around GMA

Article Inside Page

Masaya si Matteo Guidicelli sa kaniyang unang serye sa GMA Network na Black Rider at sa mga kasamahan niya sa serye at sa GMA PUblic Affairs.

“You know, I'm very thankful unang-una sa GMA for opening their doors here. I signed up with GMA News and Public Affairs, ito yung first teleserye ko dito, I'm very happy because ang bait ng mga tao dito, ang bait nilang lahat,” sabi ni Matteo sa inerview niya sa Surprise Guest with Pia Arcangel podcast.

Ayon pa sa actor-TV host, mula sa mga artistang kasama niya, tulad nina Ruru Madrid at Yassi Pressman, kahit mga associate producers at production assistants ay mababait.

Ayon kay Matteo, bukod sa set, ang mga taong bumubuo sa proyekto umano ang nagbibigay ng magandang vibes sa set.

“Obviously, there's a lot of pros and cons, challenges here and there, but at the end of the day, what's important is the positive set and a set that moves forward, and a director that can guide us and lead us,” ani ng aktor.

Patuloy niya, “I'm very happy na kasama namin si Ruru and all these other guys to make everything so much lighter and so much nicer. And our director, of course, si Direk Rommel (Penesa).”

BALIKAN ANG PAGPIRMA NI MATTEO BILANG ISANG KAPUSO SA GALLERY NA ITO:

Ibinahagi rin ni Matteo na kahit first time pa lang niya nakatrabaho si Direk Rommel masasabi niyang mabuti at mabait itong direktor.

Sang-ayon naman siya kay Pia nang ihalintulad nito ang paglipat ng aktor sa GMA at ang pagsisimula niya ng bagong serye sa pag-enroll sa isang bagong school.

“I guess you could say that. Parang, 'Hello! Hi, my name is Matteo. Kumusta na kayo?' I guess ganun. But it's a good and nice school, everybody is very nice in this school,” pabirong sabi ng aktor.

Aminado naman si Matteo na maraming conflicts at challenges ang pagtatrabaho sa showbiz ngunit ayon sa kaniya ay parte lang iyon ng excitement ng industriya, at ang maging parte ng isang teleserye.