Handa na si primetime action hero Ruru Madrid sa bagong digmaan sa top rating full action series na Black Rider.
Humarap si Ruru at iba pa niyang co-stars sa ilang piling miyembro ng media para ibahagi ang mga dapat abangan sa bagong kabanata ng kanilang serye.
Kasama ni Ruru sa pocket media conference sina Yassi Pressman, Jon Lucas, Raymond Bagatsing, Rio Locsin, Herlene Budol, Almira Muhlach, Jestoni Alarcon, at ang bagong miyembro ng cast na si Vivamax star Angeli Khang.
Nandoon din ang series directors na sina Rommel Penesa at Richard Arellano.
Ang Black Rider ay kuwento ng isang simpleng delivery rider na magiging bayani ng lansangan at haharap sa isang malaking sindikato.
Kapit lang sa mas suwabe, mas maangas at mas kapanapanabik na bagong yugto ng full action series na Black Rider, Lunes hanggang Biyernes, 8:00 p.m. sa GMA Prime.
May simulcast ito sa digital channel na Pinoy Hits at may delayed telecast naman sa GTV, 9:40 p.m.
Maaari rin itong mapanood via livestream online sa Kapuso Stream.
Alamin ang ilang mga rebelasyon ni Ruru Madrid at cast ng Black Rider sa bagong yugto ng kanilang serye dito:
Fresh mula sa concert series ng Sparkle sa Canada, balik taping na si Black Rider lead star Ruru Madrid.
Isang transformation daw ang maaasahan mula sa karakter ni Yassi Pressman na si Bane.
Masaya si Jon Lucas sa mainit na pagtanggap ng mga manonood sa kanya kahit na kontrabida ang role na ginagampanan niya.
Inilarawan ni Raymond Bagatsing bilang "deep" ang kanyang karakter na si Edgardo at dapat abangan ang pagbabago ng kapalaran nito sa susunod na mga episodes ng Black Rider.
Parang tunay na anak na ang turing ni Rio Locsin kay Ruru Madrid lalo na ngayong halos isang taon na silang magkasama sa serye.
Hindi daw inaasahan ni Herlene Budol ang magandang response ng viewers sa tambalan nila ni Empoy Marquez.
Nag-enjoy si Almira Muhlach sa action scenes niya sa serye kung saan gumagamit siya ng iba't ibang armas.
Ayon kay Jestoni Alarcon, dapat abangan ang bagong alyansa ng mga ganid na susubukang magpabagsak kay Black Rider.
Kissing scene kaagad ang unang kinunan ng bagong cast member na si Angeli Khang at ng bida ng serye na si Ruru Madrid.
Si Sparkle 10 member Shuvee Entrata ang nagsilbing host ng pocket media conference.
Magkakaroon ng love triangle ang tambalan nina Yassi Pressman at Ruru Madrid na dapat abangan.
Huwag palampasin ang bagong digmaan sa hit full action series na Black Rider, Lunes hanggang Biyernes, 8:00 p.m. sa GMA Prime. May simulcast ito sa digital channel na Pinoy Hits at may delayed telecast naman sa GTV, 9:40 p.m.