Michael V., hindi makapaniwala sa success ng 'Uh Oh' parody music video
Hindi makapaniwala si Michael V. na umani na ng mahigit 5 million views ang kaniyang Up Dharma Down parody na "Uh-Oh," kung saan iniba niya ang lyrics ng Up Dharma Down hit na “Oo” at ginawa itong tungkol sa kawalan ng kalan sa kusina.
WATCH: Michael V, ibinahagi ang inspirasyon sa parody hit na "Uh-Oh!"
Kuwento ni Bitoy, “Unexpected 'yung ganun kabilis at ganun karami [na views] although sayang lang kasi hindi sa YouTube, nasa Facebook.”
Ibinahagi rin niya rin kung paano niya naisipan gumawa ng ganitong parody.
“Pinapakinggan ko kasi talaga sila kasi fan ako ng Up Dharma Down. There was this one time na narinig ko siya sa playlist ko tapos I misheard some lyrics.
"'Yung first line ginawa ko lang, iniba ko lang, then doon na nagsimula. 'Yung last line, 'yun din 'yung nag-seal ng idea na kung ano 'yung dapat gawin sa restaurant.
"The first line spawned the idea and the last line 'yung nagsara talaga nung idea.”
Panoorin ang kaniyang viral Up Dharma Down “Oo” parody: