Sanya Lopez, lamang na kay Barbie Forteza sa crush nilang si Dennis Trillo

Lamang na raw si Sanya Lopez kay Barbie Forteza pagdating sa celebrity crush nilang si Dennis Trillo.

Ito ang naging biro ni Sanya nang makapanayam siya ng entertainment reporters sa media launch ng Cain at Abel kagabi, Nobyembre 13, sa Prime Hotel, Quezon City.

“Sobrang grateful ako na ako yung napili bilang leading lady ni Dennis Trillo.

“Siyempre, nung umpisa nabanggit ko na crush ko siya before,” ani Sanya.

Dahil parehong may crush sina Sanya at Barbie kay Dennis, inasar daw ng una ang kapwa niya Kapuso actress, na girlfriend ng kuya niyang si Jak Roberto.

Aniya, “Sabi ko kay Barbie, kasi first scene namin ni Dennis may kissing scene agad, 'Ay, Barbie, one point.'”

Makakasama nina Sanya at Dennis sa Cain at Abel sina Dingdong Dantes, Solenn Heussaff, Eddie Gutierrez, Dina Bonnevie, at Chanda Romero.

Read: Solenn Heussaff is ready for more drama in 'Cain at Abel'

Abangan ang Cain at Abel na magsisimula sa Lunes, Nobyembre 19, sa GMA Telebabad.