WATCH: Glaiza de Castro, mas nahirapan daw sa kanyang role bilang Contessa kaysa Pirena
Aminado si Kapuso actress Glaiza de Castro na mas mahirap ang title role niya sa upcoming Afternoon Prime series na Contessa kumpara sa role niya bilang Pirena sa iconic telefantasya na Encantadia.
Sa ulat sa Balitanghali, ipinaliwanag ng aktres kung bakit mas nahihirapan siya sa kanyang bagong role.
"Nung Encantadia, akala ko 'yun na 'yung pinakamahirap na role ko so far kasi 'di ba may mga physical and emotional scenes. Dito, doble. Kasi mas doble 'yung iyakan, mas doble 'yung pisikalan, pero na-excite ako."
Gaganap bilang kontrabida sa character ni Glaiza si Lauren Young, at hindi daw nila maiwasang totohanin ang kanilang sakitan.
"May mga times talaga na kinakailangang totohanin kasi makikita't makikita eh. Siyempre we want the audience to feel what Bea [her character] is feeling," paliwanag niya.
Narito ang buong report: