Viral content creator na si Teacher Dan, magbibigay ng voice lessons sa 'Daddy's Gurl'

Mapapakanta kayo ng “Do You Want To Build a Snowman” ngayong Sabado ng gabi, April 24 sa Daddy's Gurl, dahil bibisita sa patok na Kapuso sitcom ang viral content creator at teacher na si Danieca Arreglado Goc-ong o mas kilala bilang si Teacher Dan.

Hit na hit sa TikTok ang kulit videos ni Teacher Dan habang nagtuturo ng pagkanta ng hit song ng Disney animated movie na 'Frozen.'

Kaya, this Saturday night, abangan ang pakikigulo niya kina Barak (Vic Sotto) at Stacy (Maine Mendoza), kung saan gaganap siya bilang si Teacher Diva.

Bakit kaya kinuha ni Stacy ang serbisyo ni Teacher Diva?

May kinalaman ba ito sa hinahanda niyang big surprise para sa birthday ng Tatang Barak niya?

Huwag papahuli sa pagbisita ng TikTok star na si Teacher Dan sa Daddy's Gurl sa darating na April 24 pagkatapos ng #MPK (Magpakailanman) sa nanguguna sa inyong puso na Sabado Star Power sa gabi!