Kilalanin ang cast ng pinakabago at pinakamapusok na teleserye ng GMA na 'Dahil Sa Pag-Ibig.'
Mapapanood bilang mag-asawang sina Eldon at Mariel Corpuz sina Benjamin Alves at Sanya Lopez.
Bibigyang buhay ni Ben ang karakter ni Eldon, ang asawa ni Mariel na makikipagsapalaran sa ibang bansa para kumita. Lingid sa kaalaman ng lahat, may nagbabadyang panganib para kay Eldon abroad.
Gaganap naman si Sanya bilang si Mariel, ang butihing asawa ni Eldon. Kakailanganin niya ng maraming pera upang maisalba ang buhay ni Eldon.
Papasok rin sa kuwento si Gary na gagampanan naman ni Pancho Magno, ang lalaki sa nakaraan ni Mariel.
Si Winwyn Marquez ay gaganap bilang si Portia, ang babaeng makikilala ni Eldon sa ibang bansa.
Kasama rin sa cast ng 'Dahil Sa Pag-Ibig' si Tetchie Agbayani, ang mahigpit at makasariling ina ni Eldon.
Mapapanood naman si Sandy Andolong as Nanette, ang mabait na ina ni Mariel.
Ayon kay Sanya, sobrang excited raw siyang makatrabaho si Benjamin.
Nais naman ni Ben na mag-focus sa trabaho ngayong kabilang siya sa cast ng 'Dahil Sa Pag-Ibig.'
WATCH: Benjamin Alves moves forward from loss and moves on from breakup
Abangan sina Sanya, Benjamin, Winwyn, at Pancho sa pinakabagong Kapuso drama series na 'Dahil Sa Pag-Ibig.'