Fans, netizens nami-miss si 'Lola Goreng' ni Gloria Romero
Photo Inside Page
Photos
Malaking marka ang iniwan ng Queen of Philippine Cinema na si Miss Gloria Romero sa mundo ng show business. Nitong weekend, kinumpirma ng pamilya ng seasoned TV-movie actress ang pagpanaw ni Gloria Romero sa edad na 91.
Pero para sa maraming bata na lumaki nitong 2010s, maalala nila si Miss Gloria bilang fairy and grandmother sa sikat na weekly-magical anthology na Daig Kayo Ng Lola Ko.
Gumanap si Gloria Romero bilang si Lola Goreng at dito nakasama niya sina Star of the New Gen na si Jillian Ward, David Remo, Chlaui Malayao, at si Julius Miguel.
RELATED CONTENT: IN PHOTOS: A quick look at the cast of 'Daig Kayo Ng Lola Ko'
Sa pilot episode ng award-winning show, bumida sa Daig Kayo Ng Lola Ko ang Kapuso Primetime Queen at multi-awarded actress na si Marian Rivera.
Kaya naman maraming fans ng show ang ramdam ang pangungulila sa pagpanaw ni Miss Gloria Romero lalo na't lumaki sila na napapanood at napapakinggan ang kuwento niya bilang si Lola Goreng.
Sabi ng isang netizen, “Rest in peace Lola Goreng. I was watching you when I was little.”
Post naman ng isa pa, “You lighten our childhood journeys Lola, rest in peace po.”
Samantala, nabigyan ng pagkakataon ang GMANetwork.com noong January 2020 na masilip ang pagbabalik noon ni Gloria Romero sa Daig Kayo Ng Lola Ko, matapos niyang pansamantalang magpahinga.
Silipin ang exclusive behind-the-scene moments ng nag-iisa at minahal nating lahat na si Lola Gloria sa video below.
RELATED CONTENT: CELEBS PAY TRIBUTE TO GLORIA ROMERO
