Pagbibidahan nina Celia Rodriguez, Sanya Lopez at Derrick Monasterio ang kuwentuwaan ngayong Linggo, December 23.
Si Cheska (Sanya Lopez) ang private nurse ni Lola Florencia (Celia Rodriguez). Siya lang ang nag-aalaga rito dahil nasa ibang bansa ang mga kamag-anak niya.
Bibisita si Andrei (Derrick Monasterio), apo at ang pinakanami-miss ni Lola Florencia.
Mapapansin ni Cheska na hindi talaga magkasundo ang mag-lola. Kaya naman, gagawa siya ng paraan para mapaglapit ang loob ng dalawa.
Ngunit habang sinusubukang ayusin ang relasyon ng mag-lola, mapapalapit din ang loob ni Cheska kay Andrei.
Magbunga kaya ang unexpected love sa pagitan nina Cheska at Andrei?
Kaabang-abang ang gimik na hatid ng cameo character ni Eugene Domingo.
Huwag palampasin ang kuwentuwaang ito sa 'Dear Uge' ngayong Linggo, December 23.