Silipin ang magaganap na kuwentuwaan ngayong Linggo, May 31, sa episode na pinamagatang, “Bahay Bangayan.”
Naninirahan sa isang bahay sina Arlene (Aiko Melendez) at Nancy (Gladys Reyes) pero imbis na manirahan ng tahimik ay lagi silang nag-aaway.
Sa katunayan, lahat ng pwedeng pag-awayan lagi nilang napagbabangayan.
Gagawin nila ang lahat para asarin ang isa't isa.
Hanggang tubig ba naman gagamitin ni Arlene para lang asarin si Nancy?
Pilit na inaawat sila ng kani-kaniyang anak na sina Allan (Manolo Pedrosa) at Shane (Ashley Ortega).
Sa simula, hindi naman talaga nila sinasadyang asarin ang isa't-isa ngunit habang tumatagal mas lumalaki ang galit nila hanggang madamay na ang ilang barangay officials.
Ano kaya ang maitutulong ng cameo character ni Uge kina Arlene at Nancy? Mapagbabati niya kaya ang dalawa?
Paano mare-resolba ng dalawa ang kanilang problema bago bumisita sa Uge Variety Store?
Panoorin ang episode na “Bahay Bangayan” sa 'Dear Uge' kasama sina Aiko Melendez, Gladys Reyes, Ashley Ortega, Manolo Pedrosa, Anne Garcia, at Divine Valencia, ngayong Linggo, May 31.