Sino ba ang hindi gusto gumanda? Napakaraming perks kasi ang naibibigay nito tulad na lamang ng self-confidence, at paminsan-minsan, privileges pa. Kaya naman ang ilang tao, gagawin ang lahat para gumanda.
Pero paano kung ito ang iyong biggest insecurity?
Si Dra. Cielo (Eugene Domingo) ay isang sikat na reconstructive surgeon sa bansa. Lahat nagpaparetoke sa kanya para ma-attain ang kanilang self-confidence.
Nasa kanya na rin ang lahat -- a booming career, fame, at isang napakaguwapong asawa (Wendell Ramos).
Ngunit tila'y niloloko na pala siya ng kanyang asawa at napag-alaman pa niyang may kabit na ito at tinatawag pa niyang “Honey.”
Sa kasamaang palad, naaksidente si Honey kaya nasira ang buong mukha nito at si Dra. Cielo pa ang naatasang gawin ang mukha niya!
Gamitin kaya ni Cielo ang oportunidad na 'to para maghiganti o mananatili kaya siyang professional dahil misyon niya sa buhay na tulungan ang mga tao na magkaroon ng confidence sa kanilang sarili?
Tingnan ang magaganap sa exciting episode na ito sa 'Dear Uge Presents: Only Cielo Touches My Face (Part 1)' sa gallery na ito:
Top reconstructive surgeon ng bansa si Dra. Cielo (Eugene Domingo).
Walang hindi kayang gawin si Dra. Cielo! Rhinoplasty? Yes! V-face contour? Definitely!
Na kay Dra. Cielo na ang lahat ngunit mukhang niloloko siya ng kanyang asawa (Wendell Ramos).
Mukhang may bagong jowa ang kanyang asawa at tinatawag pa niya itong Honey.
Ano kaya ang gagawin ni Dra. Cielo kung malaman niyang may kabit pala ang kanyang asawa?
Sa kasamaang palad, naaksidente si Honey kaya nasira ang kanyang mukha at si Dra. Cielo pa ang naatasang gawin ang mukha ni Honey. Maghihiganti kaya si Dra. Cielo?
Abangan ang mga magaganap sa 'Dear Uge Presents: Only Cielo Touches My Face' ngayong Linggo, January 24, sa GMA-7.