This Sunday (September 26, 2021), riot na katatawanan ang kuwento tungkol sa suwerte ang mapapanood sa bagong episode ng 'Dear Uge' na pinamagatang "Labing-isang daliri."
Tampok dito si Andrea Torres na gaganap sa papel na Pining.
Successful woman si Pining--may parlor business, may magandang bahay, at may isang mapagmahal na boyfriend.
Ang lahat ng ito ay inuugnay niya sa kanyang extra finger na pinaniniwalaan niyang nagdadala ng suwerte sa kanyang buhay.
Pero paano na lang kung ang ikalabing-isa niyang daliri ay maputol matapos maipit sa pinto ng kotse?
Maniwala pa kaya siya sa luck? Or worse, ikonekta niya kaya ang aksidente sa mga kamalasan na dumarating sa buhay niya?
'Yan ang dapat abangan sa all-new episode ng 'Dear Uge' this Sunday kasama si Eugene Domingo bilang Peng Chiu.
Pero bago 'yan, narito ang pasilip sa ilang tagpo sa "Labing-isang daliri:"
Tampok si Andrea Torres sa bagong episode ng 'Dear Uge' na pinamagatang "Labing-isang daliri." Gaganap siya rito bilang Pining.
Boyfriend ni Pining ang karakter ni Kristoffer Martin na may pangalang Lexor.
May pagka-presko si Lexor, pero mapagmahal na boyfriend naman kay Pining. Ayaw niyang may ibang lalaking umaaligid dito kahit pa ang gwardiya na si Gabby, na bibigyang-buhay ni Jason Abalos.
Matinag kaya si Gabby sa mga pananakot ni Lexor?
Pinaniniwalaan ni Pining na suwerte ang kanyang extra finger. Pero paano na lang kung ito ay maputol?
Mapag-iinitan ng ulo ni Pining ang kanyang salon staff na si Nini (Denise Barbacena) dahil sa kanyang amputated "lucky finger."
Malas man kung ituring ni Pining ang pagkaputol ng kanyang sobrang daliri sa kamay, ptila magiging suwerte naman siya sa kanyang bagong pag-ibig.
Abangan sina Jason Abalos at Andrea Torres sa bagong episode ng 'Dear Uge' na pinamagatang "Labing-isang daliri" this Sunday!