This Sunday (October 3, 2021), riot na katatawanan at kapupulutan ng aral ang kuwento tungkol sa pagpapalit ng pangalan ang mapapanood sa bagong episode ng 'Dear Uge' na pinamagatang "What's My Name?".
Tampok dito sina Rafael Rosell and Pauline Mendoza na gaganap sa papel na magkapatid.
Biniyayaan ng looks ang magkakapatid pero pagdating sa kanilang mga pangalan, tiyak na ikaw ay hahagalpak sa tawa. Paano naman kasi, bininyagan silang Tinola at Pinakbeth dahil pinaglihi sila sa ulam ng kanilang ina.
Tampulan ng katatawanan ang pangalan ng Cruz siblings kaya nagdesisyon silang palitan ang kanilang pangalan legally.
Sa kasamaang palad, hindi maganda ang kahihinatnan ng kanilang new identity!
Maibalik pa kaya nila ang kanilang mga totoong pangalan o hayaan na lang nilang habulin sila ng otoridad sa kasalanang hindi naman nila ginawa?
'Yan ang dapat abangan sa all-new episode ng 'Dear Uge' this Sunday kasama si Eugene Domingo bilang Ligaya Paraiso.
Pero bago 'yan, narito ang pasilip sa ilang tagpo sa "What's My Name?":
Tampok sina Pauline Mendoza at Rafael Rosell sa bagong episode ng 'Dear Uge' na pinamagatang "What's My Name?". Gaganap sila ritong magkapatid sa papel na Pinakbeth at Tinola.
May mukhang ipagmamayabang ang magkapatid pero pagdating sa kanilang identity, ibang usapan na iyan dahil ikinahihiya nila ang kanilang mga pangalan.
Sasangguni sila sa isang registry officer (Dang Cruz) para palitan ang kanilang first names sa legal na paraan pero ang kawani mismo, hindi mapigilang pagtawanan ang dalawa.
Successful naman ang pagpapalit nina Tinola at Pinakbeth ng pangalan pero may kapalit ito!
Ano kaya ang magiging papel ni Red (Faye Lorenzo) sa buhay ng Cruz siblings?
Ano kaya ang plano ni Tinola para matakasan nila ng kanyang kapatid ang kinahinatnan ng kanilang pagpapalit ng pangalan?
Abangan sina Pauline Mendoza at Rafael Rosell, kasama sina Faye Lorenzo at Dang Cruz, sa bagong episode ng 'Dear Uge' na pinamagatang "What's My Name?" this Sunday!