Dear Uge: Ulila, may bagong pamilya sa katauhan ng evil adoptive parent

Riot na katatawanan at may kapupulutang aral ang handog ng Dear Uge noong Linggo, October 10.

Sa nakaraang episode ng Dear Uge na pinamagatang "Ampon ng Kadiliman," nakilala ang happy-go-lucky na si Amante (Jamir Zabarte).

Lumaki siya sa isang ampunan kaya naman kulang sa pagmamahal ng isang magulang.

Kahit binata na, may nagka-interes kay Amante na ampunin at ito ay si Madame Hussein (Maureen Larrazabal).

Pabor kay Madame Hussein ang pagiging pasaway ni Amante. Gustung-gusto pa niya ito kapag ito ay gumagawa ng masama.

Kaya naman magagalit siya nang nakilala ni Amante si Angelica (Zonia Mejia) na nagpabago sa magaspang na ugali ng binata.

Ano kaya ang motibo ni Madame Hussein kung bakit ayaw niyang magbago ang ugali ng ampon?

Panoorin sa episode highlights clip na ito ng "Ampon ng Kadiliman."

Patuloy na subaybayan ang kwentuhan sa Dear Uge kasama si Eugene Domingo tuwing Linggo, 3:35 p.m., pagkatapos ng GMA Blockbusters sa GMA.

Kung nais ninyong balikan ang nakaraang episodes ng Kapuso sitcom, bisitahin lang ang GMANetwork.com o GMA Network app.