Bida ang mga lolo at lola sa kuwentuwaan sa 'Dear Uge' ngayong Linggo, December 17.
Simula pa lang ng kuwentuwaan pero mukhang may happy ending na si Uge!
Iiwanan ni Mary (Maureen Larrazabal) ang kanyang mga magulang na sina Alfredo (Ronaldo Valdez) at Dionisia (Nova Villa) dahil napakahigpit nila.
Pero, babalik si Mary sa kanila nang magkaroon siya ng anak, sina Christian (Jeric Gonzales) at Christina (Pauleen Mendoza). Kailangan niya kasi ng tulong sa pagpapalaki sa kanila dahil maging siya ay istrikta rin pala!
Madisiplina kaya ng kanilang lolo at lola sina Christian at Christina?
Nag-iba na pala sina lolo at lola!
Mula sa pagiging mahigpit, ang cool-cool na nina Lolo Alfredo at Lola Dionisia!
Pati sina Uge at Divine, nagulat sa itinakbo ng kuwento!
Parang wala namang problema sa mga bata sa saya nila kasama ang kanilang lolo at lola.
Magkasundo ang mga magulang at anak ni Mary.
Magkaayos din kaya sina Mary at ang kanyang mga magulang?
Ito ang pamilyang bibida sa kuwentuwaan sa 'Dear Uge.'
Tutok na sa nangunguna at nag-iisang comedy anthology, ang 'Dear Uge' ngayong Linggo, December 17.