Jasmine Curtis-Smith, katulad din ba ni Cpt Moira pagdating sa lovelife?

Aminado si Jasmine Curtis-Smith na minsan na rin niyang naranasang mapakialaman ng kanyang pamilya sa kanyang lovelife.

Sa blog conference na inihanda para sa kanya at ka-love team niyang si Rocco Nacino kamakailan, tinanong si Jasmine kung nakaka-relate siya sa karakter niya sa Descendants of the Sun (The Philippine Adaptation) na si Cpt Moira Defensor.

Strikto kasi ang ama ni Cpt Moira na si BGen Carlos Defensor at pinapakialaman ang lovelife ng anak.

Sagot ni Jasmine, “Lagi naman akong lumalaban if I feel like, 'Bakit? Gusto ko siyang i-date, ano bang problema niyo?”

“And then, you know, you have fun, and you learn and then gets mo na 'yung life. You mature.”

IN PHOTOS: Celebrity relationships na tinutulan ng pamilya

Pero paglilinaw ni Jasmine, hindi naman umabot sa punto na nagrebelde siya.

“No, no. Kasi that's one thing na, I think, as a Filipino, you learn na kahit papaano, you have to find ways to still respect your parents,” paliwanag ni Jasmine.

“At the end of the day, you have to know 'yung boundaries mo rin for yourself lalo na kung wala ka pa sa tamang edad to make those decisions.”

Panuorin ang buong panayam kay Jasmine:

Mapapanuod ang Descendants of the Sun (The Philippine Adaptation), Lunes hanggang Biyernes, sa GMA Telebabad pagkatapos ng Anak ni Waray Vs. Anak ni Biday.