Jasmine Curtis on return of DOTS Ph: 'We already have a month in mind...'
Isa si Jasmine Curtis-Smith sa ilang mga aktor na pansamantalang nasuspend ang trabaho dahil sa coronavirus pandemic.
Pero kahit nailagay na sa estado na general community quarantine ang buong Maynila, ibinahagi ni Jasmine na hindi pa rin muna itutuloy ang taping ng Descendants of the Sun (The Philippine Adaptation) para masigurado kalusugan ng buong cast at crew.
Ibinunyag niya sa eksklusibong panayam ng GMANetwork.com, “We are talking about a tentative month, I think sa dulo pa ng taon. It's just difficult for us para magbigay ng eksaktong date.
“We already have a month in mind pero it will still depend on the extensive measures for health and safety protocols.”
Kuwento ni Jasmine matagal na raw nilang napag-uusapan ng buong cast at crew ang pagbabalik sa set sa ilalim ng “new normal” kaya excited na siyang balikan ang kanyang karakter bilang si Captain Moira Defensor.
Dugtong niya, “Nagsimula na 'yung dialogue or conversation tungkol doon kasi kahit kami na rin mismo [cast] napapansin namin na sayang din 'yung momentum na nasimulan at marami pa rin nag-aabang.
“So sa ngayon, what we really have is what we've aired and that's on the GMA Network website. Pero sa mga susunod na episodes, we really just have to wait because more than anything we want to make sure na yung quality hindi ma-sacrifice because hindi naman ito original story o teleserye ng Piliipinas so siyempre gusto namin medyo at par pa rin 'yung maibigay nating quality.”
Panoorin ang panayam na yan sa video na ito:
Balikan ang latest aired episodes ng Descendants of the Sun (The Philippine Adaptation) sa official website ng GMA Network o sa GMA Network app!
Jasmine Curtis-Smith joins World Vision's Virtual Run for Children