Dingdong Dantes, Rocco Nacino, at Jasmine Curtis-Smith, pabor sa lock-in taping

Pabor ang Descendants of the Sun (The Philippine Adaptation) stars na sina Dingdong Dantes, Rocco Nacino, at Jasmine Curtis-Smith sa lock-in taping matapos nila itong maranasan nang sampung araw.

Dahil sa banta ng COVID-19, pinaigting ng management ng programa ang health and safety guidelines nang magbalik-taping ang serye para sa kalusugan ng cast, staff, at crew nito.

Base sa kanilang karanasan, kinailangan nilang matapos ang mga naiwang eskena nang walang uwian kaya naman dire-diretso ang produksyon ng Descendants of the Sun (The Philippine Adaptation).

Mahigpit ding pinatupad ang pagsusuot ng face mask at social distancing off-cam. Para ma-maintain pa lalo ang distancing, maximum of three persons lamang ang kailangang mag-occupy ng tents at nilimitahan din ang manpower.

Sa palagay ni Rocco, nagustuhan niya ang lock-in taping dahil madaling kondisyunin ang kanyang utak pagdating sa kanyang karakter na si TSg Diego Ramos o "Wolf."

"It was easy to get back into character kasi matutulog kami, 'pag gising namin sa umaga in character pa rin kami. Tuluy-tuloy, walang ibang projects na ginawa.

"We're stock at the project, we're focused on the project, 'yun ang nakita kong advantages with the lock-in taping, 'yung continuity hindi mo kakapain," bahagi ni Rocco sa media conference ng TV return ng Descendants of the PH kamakailan.

Ganito rin ang katwiran ni Jasmine na gumaganap sa papel ni Cpt Moira Defensor.

"I like both setups pero parang mas gusto namin itong bagong normal because it's more of [favorable] for us in terms of mentality, how we approach our work.

"It's more beneficial for us, of course, unfortunately, not to all members of the production. But I'm sure it will meet half way--the old and the new, ika ni Jasmine.

Para naman kay "Big Boss" Dingdong Dantes, magandang maranasan ang closed group shoot dahil maaari itong pag-eksperimentuhan para lalong mag-improve ang sistema ng mga susunod na produksyon.

Pahayag ng Kapuso Primetime Kung at AKTOR leader, "Maraming magandang nadudulot 'yung ngayon pero, siyempre, iba pa rin 'yun dati.

"So I think what we should do now is, instead of waiting everything to go back, kailangan talaga ang mindset ay 'yung para sa ngayon and how to improve what we have kasi marami naman talagang benefits."

Dugtong ni Dingdong, "Pero we also recognize the others like, halimbawa, hindi rin nabibigyan ng opportunity 'yung iba na makapagtrabaho due to limitations, may mga gan'ong bagay. But again, maraming learnings.

"I hope moving forward, kahit na bumalik tayo sa old normal, ay bitbit pa rin natin lahat ng mga natutunan natin dito because na-prove na nagwo-work itong mga bagay na ito so kailangan ipagpatuloy natin 'yung, kumbaga, behavior natin na ito."

Muling ipapalabas ang Descendants of the Sun (The Philippine Adaptation) simula October 26, 9:15 p.m., pagkatapos ng Encantadia rerun sa GMA Telebabad.

Mapapanood ang kwento ng serye mula umpisa bilang rerefresher sa loob ng walong araw.

Samantala, nakatakdang ipalabas ang fresh episodes ng local version ng South Korean drama na may parehong pamagat simula November 5.