Ruru Madrid, na-impress sa kanyang naka-date mula sa Australia
Ang 26 years old na si Jenny mula sa Australia ang naka-date ni Ruru Madrid sa E-Date Mo si Idol nitong May 28.
Siya ay nag-aaral doon ng kursong project management at magtatapos na umano ngayong July.
Kuwento ni Jenny, pangalawang kurso na niya umano ito dahil nag-aral siya ulit. Dahil dito, na-impress si Ruru sa kanyang ginawang desisyon lalo na't naninirahan ito mag-isa sa ibang bansa.
Ayon sa Kapuso actor, magandang desisyon ang ginawa ni Jenny.
"Okay 'yang ginagawa mo. Nag-aral ka sa ibang bansa kahit na nakaka-homesick 'di ba? Para ma-explore mo rin 'yung sarili mo diyan."
Saad pa ni Ruru, bata pa si Jenny at marami pang time para mag-explore ng mga nais nitong gawin sa buhay.
"You're still young. 26 'di ba? I mean 'yan 'yung mga prime age pa 'yan ng babae eh.
"'Yun 'yung time na dapat nag-e-explore pa or dini-discover mo pa 'yung sarili mo."
Panoorin ang kanilang date mula sa E-Date Mo si Idol episode nitong May 28.
E-Date Mo Si Idol: SK Kagawad ng Taguig, pinalad na maka-DATE si Faye Lorenzo LIVE!