WATCH: Pauleen Luna and Luane Dy assure viewers will relate to EB Lenten Special 'Ikigai'

Bumiyaheng Japan ang Eat Bulaga Dabarkads na sina Pauleen Luna-Sotto, Luane Dy, Allan K., Jimmy Santos, Ryzza Mae Dizon, Jose Manalo, and Vic Sotto para sa EB Lenten Special na 'Ikigai' na ipapalabas sa Holy Wednesday, April 17.

Ani Pauleen, marami raw ang makaka-relate sa kuento ng 'Ikigai' na para sa pamilya.

"Maraming makaka-relate. Number one, maraming OFW, secondly, this is about broken families na nag-reconcile and new friendship. This is very much relatable and nakakatuwa kasi, during this time of the year, dito talaga natin makikita na 'yung mga komedyante nagpapa-iyak naman."

Para naman kay Luane, napagtanto niya ang hirap na dinaranas ng mga OFW sa Japan matapos gumanap bilang Pinay entertainer para sa Lenten presentation.

"Titiisin mo 'yung sakit, 'yung mga pinagdaraanan just so you can provide for your family at para mabigyan mo ng magandang buhay lalo na 'yung anak mo. Ang hirap na nagtatrabaho ka ng malayo sa pamilya mo, nakakalungkot at nakaka-homesick."