Ang 'Eat Bulaga' ay kinikilala bilang longest-running noontime show sa bansa. Nagsimula ito noong 1976 at umere pa noon sa ibang TV networks bago ito nalipat sa GMA Network noong 1995.
Katulad ng kataga sa theme song nito, "barkada ay dumarami," dahil sa tagal na ng programa sa telebisyon. Bukod sa mga pioneer nitong sina Tito Sotto, Vic Sotto, at Joey de Leon, tuluy-tuloy na nadaragdagan ang hosts nito.
Tingnan dito kung sinu-sino na ang mga naging 'Eat Bulaga' dabarkadas at kung kelan sila nagsimula.
Isa sa pioneers ng Eat Bulaga si Bossing Vic Sotto.
Si Tito Sotto ang isa mga unang hosts ng 'Eat Bulaga' noon nang magsimula ang show noong 1979.
Tulad nina Tito and Vic, kasabay rin si Joey de Leon na nagsimula sa Eat Bulaga noong 1979.
Nagsimula si Jose Manalo bilang miyembro ng production team ng show noong 1994. Simula noon hanggang ngayon, ibinabahagi pa rin niya ang kanyang good vibes sa mga manonood.
Sino ang hindi natatawa sa jokes at hirit ni Allan K sa telebisyon simula 1995?
Taong 2000 pa nagsimulang magpatawa si Wally Bayola na kilala sa kanyang pagganap sa iconic role na Lola Nidora.
Sa 'Eat Bulaga' nag-umpisa ang showbiz career ni Paolo Ballesteros noong 2001.
Taong 2004 nang maging regular host si Pauleen Luna ng 'Eat Bulaga.'
13 years nang Dabarkad si Ryan Agoncillo!
Pitong taon na ring nagbibigay ngiti si Alden Richards sa mga manonood ng 'Eat Bulaga' simula nang maging host siya noong 2015.
Taong 2015 nang ipauso ni Maine Mendoza a.k.a. Yaya Dub ang Pabebe Wave nang pumasok siya sa 'Eat Bulaga.'
Mahigit pitong taon nang ipinapamalas ni Bae-by Baste ang kanyang kakyutan simula nang maging Dabarkad siya noong 2015.
Taong 2017 nang maging parte ng 'Eat Bulaga' ang 'Unang Hirit' host na si Luane Dy.
Mula August 2021 ay guest co-host na ng 'Eat Bulaga' ang beauty queen na si MJ Lastimosa.
Si Maureen ang unang Filipina na nanalo sa Asia's Next Top model. Pumasok siya bilang isa sa mga co-host ng 'Eat Bulaga' noong 2018 subalit kinailangang n'ya ring iwan ang programa noong 2019 dala ng iba pa niyang commitments.
Since 1983, patuloy pa rin nagpapatawa ang tall and funny na si Jimmy Santos.
Nabuo ang grupong That's My Baes nina Kenneth Medrano, Kim Last, Joel Palencia, Tommy Peñaflor, Jon Timmons at Miggy Tolentino noong 2015. Na-disband ang That's My Baes noong 2019.
Mahigit dalawang dekada ring naging host ng 'Eat Bulaga' si Anjo Yllana bago siya umalis rito upang magbigay saya sa bagong show.
Taong 1991 pa lamang ay nasa 'Eat Bulaga' na si Ruby Rodriguez ngunit kinailangan niyang mag-migrate papuntang US para sa kanyang anak na si AJ noong 2021.
Dalaga pa si Pia Guanio nang maging EB Dabarkad siya noong 2003. Subalit, nawala si Pia sa 'Eat Bulaga' noong kalagitnaan ng pandemya.
Naging parte din ng 'Eat Bulaga' ang comedy genius na si Michael V. bilang isa sa hosts nito noong 2003. Nanatili siya sa noon time show hanggang 2016.
Ang 'Abot Kamay na Pangarap' star Carmina Villaroel ay naging co-host din ng noontime show noong 1989 at nagtagal hanggang 1998.
Nagsimula ang singer-songwriter na si Ice Seguerra bilang contestant ng "Little Miss Philippines" sa 'Eat Bulaga.' Matapos nito, agad din siyang naging parte longest-running noontime show bilang isa sa mga co-host hanggang 1997
Si Miles Ocampo naman ang pinakabagong dabarkads na naging parte ng 'Eat Bulaga' nito lang 2022.