Endless Love: Muling pagkikita nina Johnny at Jenny | Week 2

Sa ikalawang linggo ng Endless Love, muli nang nagkrus ang landas nina Johnny (Dingdong Dantes) at Jenny (Marian Rivera) matapos ang mahabang panahon.

Noong mga bata pa kasi sina Johnny (Kristoffer Martin) at Jenny (Kathryn), nagkahiwalay sila dahil pumunta ng Amerika ang pamilya ni Johnny.

Sa mga huling sandali nilang magkasama, nangako sina Johnny at Jenny na hindi nila kalilimutan ang isa't isa.

Matapos ang mahabang panahon, bumalik sa Pilipinas si Johnny upang hanapin si Jenny kaso ay hindi na niya ito mahanap. Lumipat na ng bahay si Jenny at ang kanyang inang si Suzy (Janice de Belen) at nakatatandang kapatid na si Jojo (Gabby Eigenmann).

Habang nagtatrabaho si Jenny bilang housekeeping sa isang resort, nakilala niya rito si Andrew Tantoco (Dennis Trillo), ang mayamang anak ng may-ari ng resort.

Tila nagkagusto si Andrew kay Jenny dahil siya na mismo ang nag-request na si Jenny ang gawin niyang personal maid. Nakita naman ni Johnny si Jenny habang nakasakay ito sa bangka papuntang kabilang isla.

Dahil dito, pinagplanuhan ni Johnny na bumisita sa kabilang isla at tumira sa resort ng kaibigan niyang si Andrew. Magkrus na kaya ang landas nina Johnny at Jenny?

Patuloy na panoorin ang Endless Love, Lunes hanggang Biyernes, sa GMA Telebabad pagkatapos ng First Yaya.

Samantala, narito ang ilan pa sa mga bida ng Endless Love at kung ano na ang kanilang ginagawa ngayon: