Around GMA

Article Inside Page

Muling nakasama ng aktor at Running Man Philippines member na si Miguel Tanfelix ang kaniyang itinuturing na role model na si Kapuso Primetime King Dingdong Dantes nang bumisita siya sa trending weekday game show ng GMA na Family Feud.

Ngayong Martes, August 13, maglalaro si Miguel sa nasabing programa kasama ang kaniyang batchmates sa StarStruck Kids na sina Ultimate Male Survivor Kurt Perez, aktres na si Sandy Talag, at future doctor na si Renz Juan.

Makakalaban nila ang dating child stars na sina actor-politician Nash Aguas, ang childhood sweetheart nito noon at misis na ngayon na si Mika Dela Cruz, actor-dancer na si Bugoy Cariño, at businessman na si Igi Boy Flores.

Sa teaser ng Family Feud, sinabi ni Miguel na si Dingdong talaga ang kaniyang role model simula pa noong siya ay maging artista.

Sa Instagram, nahanap ng GMA Network ang larawan nina Miguel at Dingdong noong 2015.

“Above good looks and talent, I think humility makes a star, and that's him, my role model. Thank you for this photo Sir Dong @dongdantes. Humbled to be working with you again Primetime King. #StarStruck,” post noon ni Miguel.

Fast forward to 2024, ipinakilala naman ni Dingdong si Miguel bilang isang napakagaling na artista.

View this post on Instagram

A post shared by gmanetwork (@gmanetwork)

Huwag palagpasin ang ultimate reunion ng child stars at ni Dingdong Dantes mamaya sa Family Feud.

Tuloy-tuloy lang sa pagtutok sa inyong paborito at patuloy na sinusuportahang weekday game show dahil sa Family Feud, AGOSTOdo na 'to!

Manood ng Family Feud, Lunes hanggang Biyernes, 5:40 p.m. sa GMA. Puwede rin itong mapanood sa official Family Feud Facebook page at may livestreaming worldwide via the official YouTube channel ng Family Feud at Kapuso Stream.

RELATED GALLERY: Mga dating Kapuso child stars, kumusta na sila ngayon?