Dingdong Dantes, napiling host ng Philippine franchise ng 'Family Feud'

Bagong taon, bagong programa rin ang handog ng GMA sa mga manonood ngayong 2022!

Pamilyar ba kayo sa linyang "survey says..?" Pwes, abangan ninyo sa inyong local TVs ang Philippine franchise ng sikat na game show mula sa Amerika, ang Family Feud!

Siyempre, isang family man ang napiling maging host ng family-oriented na programa at ito'y walang iba kung 'di ang award-winning actor na si Dingdong Dantes.

Asahan ding mapanood ang tagisan ng galing ng celebrities sa pagsagot kasama ang kanilang mga pamilya. Ano kaya ang mga magiging "top answer ng pamilya?"

Hindi pa doon nagtatapos dahil bukod sa mag-e-enjoy kayong panoorin ang Family Feud, magkakaroon pa kayo ng chance na sumali sa online promo at manalo ng prizes.

Abangan ang Family Feud, soon on GMA 7. Tutok lang sa GMANetwork.com para sa updates.