Isko Moreno, maglalaro sa 'Family Feud' ngayong Martes
Around GMA
Around GMA
PCIJ: ‘Allocable’ for solons in Iloilo City, province reaches P4.3B DOJ Usec. Jojo Cadiz, nagbitiw sa puwesto sa gitna ng alegasyon sa flood control GMA Pinoy TV wins big at the Anak TV Seal Awards 2025!Article Inside Page
Showbiz News
Maipanalo kaya ni "Yorme" Isko Moreno ang kanyang paglalaro sa Family Feud?
Muling mapapanood sa telebisyon ang dating aktor at alkalde ng Maynila na si Isko Moreno Domagoso sa kanyang paglalaro sa trending na game show ng GMA na Family Feud ngayong Martes, September 20.
Sa episode ng game show ngayong araw, makakalaban nina Isko at ng kanyang pamilya ang pamilya naman ng action star na si Ronnie Ricketts at ng kanyang asawa at dating Apoy Sa Langit actress na si Mariz Ricketts.
Sa inilabas na trailer ng game show, makikita na kasama ni Isko sa kanyang team ang kanyang asawa at mga anak, kabilang ang dating First Lady actor na si Joaquin Domagoso na ngayon ay certified daddy na rin.
Isa si Isko sa mga itinuring na anak ng yumaong star builder na si German Moreno o mas kilala bilang si Kuya Germs. Nakilala muna si Isko sa larangan ng entertainment bago niya pasukin ang mundo ng politika.
Tumutok sa Family Feud ngayong Martes, 5:40 ng hapon sa GMA.
SAMANTALA, ALAMIN NAMAN ANG NAGING CAREER JOURNEY NI ISKO MORENO SA GALLERY NA ITO:
https://www.gmanetwork.com/entertainment/celebritylife/news/12460/in-photos-si-isko-moreno-bago-maging-yorme-ng-maynila/photo/156656/isko-moreno
