Around GMA

Article Inside Page

Masaya ang dating volleyball player na si Melissa Gohing sa kaniyang pagpirma ng kontra sa Sparkle na talent management arm ng GMA Network.

Sa Fast Talk with Boy Abunda nitong Miyerkules, game na sumalang sa interview si Melissa kasama ang kaniyang asawa na si Rocco Nacino.

Kuwento ni Melissa sa batikang TV host na si Boy Abunda, matagal niya na talagang gustong pumasok sa media industry. Sa katunayan, mass media ang tinapos niya noon sa De La Salle University dahil pangarap niya ang maging isang news reporter.

Aniya, “Sa totoo lang Tito Boy, ito 'yung field na gusto ko. I took mass media when I was in college, gusto ko talagang maging reporter afterwards. But God had a different plan for me that time.

“When I finished college pagkatapos ng last season ko sa UAAP biglaan na lang nagkaroon ng pro volleyball tournament and biglang nagdire-diretso na. So parang it was a different path for me.”

Ayon pa sa celebrity mom, si Rocco mismo ang naging inspirasyon niya upang pasukin na ang pag-aartista.

Paglalahad ni Rocco, “Actually I was the one who kept pushing her na, 'You know what, just do it. You wouldn't know kung para sa'yo o hindi.' Kasi 'yun nga nag-volleyball siya and nagtuloy-tuloy. 'You won't know kung para sa'yo 'to. Just do it.' And she did.”

Aminado naman si Rocco na hindi palaging masaya sa showbiz, at maraming pagsubok pa ang pagdadaanan ng kaniyang misis na si Melissa, pero handa raw siyang sumuporta rito.

“It will be fun,” anang aktor.

Para naman kay Melissa, “Being an athlete, I love the challenge. Ako, game ako kung ano mang challenges 'yan. You know everybody naman nag-i-start from zero e. So this is a new journey for me. Bagong-bago ako rito and there are more things to learn.”

Noong 2021 ikinasal sina Melissa Gohing at Rocco Nacino. October 2022 naman ng isilang ang kanilang first baby na si Ezren.

RELATED GALLERY: The beautiful #LifeWithTheNacinos, the family of Rocco Nacino and Melissa Gohing