Around GMA

Article Inside Page

Muling bumisita sa GMA Network ang dating Kapuso stars na sina Bea Binene at Louise Delos Reyes nang mag-guest sila sa Fast Talk with Boy Abunda ngayong Martes, October 1.

Matatandaan na kabilang sina Bea at Louise sa leading ladies ng GMA noon bago sila umalis at sumubok ng bagong karera.

Sa ngayon ay isa nang freelance artist si Bea habang head chef naman si Louise sa isang kumpanya.

Sa interview sa kanila ni Boy Abunda, tinanong ng batikang TV host kung may naging pagsisisi ba sila sa pag-alis nila sa GMA.

Unang sumagot si Bea. Aniya, “Tito, Regret? No. Ako, I'm just very grateful and blessed to GMA because I have been here for 18 years. They have taught me a lot. I've experienced so much. I met so many people and that really shaped me to who I am today.

“Siguro not regret but it's just that it felt like I stepped out of my comfort zone when I transferred. Sometimes it's nice to have that sense of familiarity. Sometimes you tend to get overwhelmed with the 'unfamiliar' world outside and sometimes you just miss being here, you just miss the company here…”

Dagdag pa ni Bea, “Kahit nasaan naman ako, kahit saan ako dalhin Tito Boy, lagi kong sinasabi na I may not be managed by GMA now, but I'm very grateful for GMA.”

Samantala, aminado naman si Louise na may naging pagsisisi siya sa mga naging desisyon niya noon, pero nagpapasalamat pa rin siya sa mga magagandang naidulot nito sa kaniya,

Aniya, “Meron akong mga regret, pero yung regrets kasi na 'yun parang nagkaroon ako ng parang naging okay na ako doon. Kasi kung hindi dahil sa mga ginawa ko before hindi ako magiging si Louise ngayon, lahat ng pagkakamali ko no'n, lahat ng wins ko no'ng time na 'yun, ito ako.

“Kung hindi ko 'yun ginawa, hindi ko makikilala 'yung mga taong kasama ko ngayon. I will not have this knowledge and this heart for people now. Grateful lang din ako with GMA kasi sila lang din talaga 'yung nagbigay sa akin ng opportunity. Sobrang iba 'yung tibok ng puso ko kapag sinasabing GMA, at kapag nakikilala ako na from GMA, iba rin 'yung saya.”

Isa sa mga tumatak na proyekto nina Bea at Louise sa GMA ay ang Tween Hearts at Tween Academy kung saan kasama nakasama nila sina Kapuso Primetime Princess Barbie Forteza, Asia's Limitless Star Julie Anne San Jose, at Asia's Multimedia Star Alden Richards.

RELATED GALLERY: 'Tween Hearts' stars noon, kumusta na ngayon?