Around GMA

Article Inside Page

Isa sa mga pinakasikat na kanta ni rap icon Andrew E. ang "Humanap ka ng Panget." Sa katunayan, ito raw mismo ang nagtulak sa kaniya para sumikat sa entertainment industry.

Ngunit ang hit single ng rapper-actor, dumaan din sa plagiarism allegations na sinagot niya.

Sa Fast Talk with Boy Abunda nitong Lunes, November 18, binalikan ni King of Talk Boy Abunda kung paano naisip ni Andrew isulat ang kanta niyang "Humanap ka ng Panget." Sabi ng rapper-actor, merong dalawang dahilan kaya niya naisulat ang kanta.

“Unang dahilan would be kasi syempre 80 percent ng lipunan ay hindi nabigyan ng kagandahang lalaki, may itsura, 80 percent. So, kasama ako du'n. So, how do you polish yourself na alam mong magaspang ka, pero pakikinisin mo 'yung sarili mo? It's impossible at that time,” sabi ni Andrew.

Pagbabahagi naman niya tungkol sa ikalawang inspirasyon, “'Yung inspiration ko na tinutukoy ko would be maniwala ka sa bitbit mong talent at bitbit mong kanta and later on, all the people that would be hearing it would come to you.”

MAS KILALANIN PA SI ANDREW AT ANG KANIYANG PAMILYA SA GALLERY NA ITO:

Binalikan din ni Boy ang mga alegasyon noon sa kanta ni Andrew dahil kinopya umano ito sa 1988 American song na "Find an Ugly Woman." Ang sagot ng rapper singer, “'Yung accusation was not authentic.”

Paliwanag niya, “Hindi ako ina-accuse ng tao na kinopya ko 'yung kanta kasi hindi naman talaga sila 'yung nag-a-accuse. Why? Kasi kung nag-a-accuse sila na kinopya ko 'yun, e, bakit hindi mo in-accuse 'yung kanta na 'yun na kinopya rin sa isang 1963 song?”

Dagdag pa ni Boy ay naalala rin nyiang iba rin ang tunog ng single ni Andrew kumpara sa naturang American song.

“Naalala ko lang po at kung pakikinggan niyo po, hanggang ngayon, ang layo,” sabi ni Boy.